قازاقستاندا قوعامدىق كەڭەستەر ۇيلەستىرۋ ورتالىعىنىڭ كەزەكتى وتىرىسى ءوتتى. جيىنعا رەسپۋبليكالىق جانە جەرگىلىكتى دەڭگەيدەگى 56 قوعامدىق كەڭەستىڭ ءتوراعالارى قاتىستى. بۇل تۋرالى Aqshamnews.kz حابارلايدى.
قازاقستان رەسپۋبليكاسى مادەنيەت جانە اقپارات مينيسترلىگى جانىنان قۇرىلعان ۇيلەستىرۋ ورتالىعى – ەلىمىزدىڭ تۇكپىر-تۇكپىرىندەگى قوعامدىق كەڭەس مۇشەلەرىنىڭ ءوزارا تاجىريبە الماسىپ، ورتاق ماسەلەلەر بويىنشا شەشىمدەر ۇسىناتىن الاڭى.
ۇلتتىق قۇرىلتاي جۇكتەگەن مىندەتتەر – قوعامدىق باقىلاۋدا
كەزدەسۋدىڭ باستى تاقىرىبى – مەملەكەت باسشىسى قاسىم-جومارت توقايەۆ ۇلتتىق قۇرىلتايدىڭ IV وتىرىسىندا بەلگىلەگەن ستراتەگيالىق باعىتتاردى ىسكە اسىرۋدا قوعامدىق كەڭەستەردىڭ ءرولىن كۇشەيتۋ بولدى.
سپيكەرلەر وڭىرلەردەگى تابىستى تاجىريبەلەرمەن ءبولىسىپ، ارداگەرلەر مەن اقساقالدار كەڭەسىن مەملەكەتتىك باعدارلامالارعا تارتۋ قاجەتتىگىن دە اتاپ ءوتتى.
ەكولوگيا – باستى نازاردا
ۇلتتىق قۇرىلتايدا كوتەرىلگەن ماڭىزدى تاقىرىپتاردىڭ ءبىرى – ەكولوگيا ماسەلەسى. وتىرىس بارىسىندا «تازا قازاقستان» رەسپۋبليكالىق ەكولوگيالىق اكسياسىن ۇيىمداستىرۋ جولدارى كەڭىنەن تالقىلاندى. قوعامدىق كەڭەستەردىڭ بۇل باعىتتاعى جۇمىسىنىڭ تيىمدىلىگىن ارتتىرۋ قاجەتتىگى كۇن تارتىبىنە شىقتى.
قوعامدىق كەڭەستەر قىزمەتىنە باعالاۋ جۇيەسى ەنگىزىلەدى
جيىن اياسىندا قاتىسۋشىلارعا قوعامدىق كەڭەس مۇشەلەرىنىڭ قىزمەتىن باعالاۋدىڭ ۇلگىلىك ادىستەمەسى ۇسىنىلدى. بۇل جۇيە:
- قوعامدىق ينستيتۋتتاردىڭ اشىقتىعى مەن ەسەپتىلىگىن ارتتىرادى؛
- كەڭەستەرگە دەگەن قوعام سەنىمىن كۇشەيتەدى؛
- باستامالار تيىمدىلىگىن جۇيەلى تۇردە باعالاۋعا مۇمكىندىك بەرەدى.
جاڭا سەرپىن مەن ناقتى قادامدار
وتىرىس قورىتىندىسى بويىنشا كەلەسى باعىتتاردا ۇسىنىستار ازىرلەندى:
- ۇلتتىق قۇرىلتايدا قويىلعان مىندەتتەردى ورىنداۋ؛
- قوعامدىق كەڭەستەردىڭ مەملەكەتتىك باستامالارعا قاتىسۋ اياسىن كەڭەيتۋ؛
- كەڭەستەردىڭ ينستيتۋسيونالدىق دامۋىن جالعاستىرۋ.
قوعامدىق كەڭەستەر – حالىق پەن بيلىك اراسىنداعى ديالوگتى قامتاماسىز ەتەتىن ماڭىزدى كوپىر. ولاردىڭ بەلسەندىلىگى ەلدىڭ تۇراقتى دامۋى مەن ادىلەتتى قوعام قالىپتاستىرۋدا شەشۋشى ءرول اتقارادى.