كومپانيا سالىمشىلارىنان تۇسكەن ءتۇسىم سوماسى 463 ملن تەڭگەنى قۇرادى
قما استانا قالاسى بويىنشا دەپارتامەنتى قالا پروكۋراتۋراسىمەن بىرلەسىپ "Qnet" قارجى پيراميداسىن قۇرۋ جانە باسقارۋ فاكتىسى بويىنشا كۇدىكتىنى ۇستادى. بۇل كومپانيا استانا مەن اقمولا وبلىسىنىڭ اۋماعىندا 2020 جىلدان باستاپ قازىرگى ۋاقىتقا دەيىن جۇمىس ىستەگەن، دەپ حابارلايدى Almaty-akshamy.kz.
كۇدىكتى جەكە تۇلعالاردان تارتىلعان قاراجاتتى كاسىپكەرلىك قىزمەتكە پايدالانباي، "Qnet" قارجى پيراميداسىنىڭ قىزمەتىن ۇيىمداستىردى. سحەما بويىنشا ەسكى سالىمشىلاردى جاڭا كەلگەندەردىڭ جارنالارى ەسەبىنەن قايتا ءبولۋ جانە بايىتۋ ارقىلى جۇزەگە اسىرىلدى.
"Qnet" حالىقارالىق كومپانياسىنىڭ قىزمەتى جەلىلىك ماركەتينگ جانە ەلەكتروندىق كوممەرسيا قىزمەتى تۇرىندە جاسىرىلدى.
ءبىرقاتار شەت ەلدەردە "Qnet" كومپانياسى قارجى پيراميداسى دەپ تانىلدى، سونداي-اق ونى ق ر قارجى نارىعىن رەتتەۋ جانە دامىتۋ اگەنتتىگى قارجى پيراميداسىنىڭ بەلگىلەرى بار كومپانيالار تىزىمىنە ەنگىزدى.
وكىلەتتى ورگاننىڭ قورىتىندىسىنا سايكەس كومپانيا سالىمشىلارىنان تۇسكەن ءتۇسىم سوماسى 463 ملن تەڭگەنى قۇرادى.
استانا قالاسىنىڭ مامانداندىرىلعان تەرگەۋ سوتى كۇدىكتىگە 2 ايعا «قاماۋدا ۇستاۋ» شاراسىنا سانكسيا بەردى.
ق ر قپك-نىڭ 201-بابىنا سايكەس وزگە دە اقپارات جاريا ەتۋگە جاتپايدى.