قازاقستان مۇسىلماندار ءدىني باسقارماسى قالىڭ مال مەن ماھرگە قاتىستى مالىمدەمە جاسادى، دەپ حابارلايدى aqshamnews.kz.
ءمۇفتياتتىڭ باسپا ءسوز حاتشىسى اعابەك قونارباي ۇلى "اكە ەڭبەگى"، "انا ءسۇتى" سياقتى قىزدىڭ اكە-شەشەسىنە، تۋىستارىنا بەرىلەتىن مال-مۇلىك ماھىرگە سانالمايتىنىن ايتتى.
قالىڭمال – قازاق حالقىنىڭ ءداستۇرلى عۇرىپتىق سالتىنداعى قالىڭدىق ءۇشىن بەرىلەتىن مال. فيقھ كىتاپتارىندا ۇزاتىلىپ جاتقان قىزعا جيھاز اپەرۋ ءۇشىن كۇيەۋ جىگىت تاراپىنان بەرىلەتىن مال-مۇلىكتى "دۋستيمان" دەپ اتايدى، - دەدى ول.
اعابەك قونارباي ۇلى وسى ماسەلەگە قاتىستى ءمۇفتياتتىڭ شەشىمىن جاريا ەتتى.
شەشىم: كۇيەۋى تاراپىنان بەرىلەتىن قالىڭمالدى قىزدىڭ رازىلىعىمەن ماھىرگە جاتقىزۋعا جانە ارتىنان الىپ باراتىن جاساۋىنا پايدالانۋعا بولادى. "اكە ەڭبەگى"، "انا ءسۇتى" سەكىلدى قىزدىڭ اكە-شەشەسىنە، تۋىستارىنا بەرىلەتىن مال-مۇلىك (كادەسىي، ت.ب.) ماھىرگە جاتپايدى، - دەپ جازدى ول.
قالىڭمال بەرىلمەيتىن ولكەلەردە نەكە قيۋ بارىسىندا ءماھىردى بەلگىلەۋى ءتيىس. ءماھىر بەلگىلەنبەگەن جاعدايدا نەكەسى دۇرىس بولادى. ءبىراق كۇيەۋى ءماھىر-ميسل بەرەدى.