الماتى قالاسىنىڭ توتەنشە جاعدايلار دەپارتامەنتىندە قازاقستان-بريتان تەحنيكالىق ۋنيۆەرسيتەتىنىڭ عيماراتىنداعى ءورتتى جويۋعا قاتىسقان قىزمەتكەرلەردى سالتاناتتى تۇردە ناگرادتاۋ ءراسىمى ءوتتى.
ءىس-شاراعا تجد باسشىلىعى مەن جەكە قۇرامى، سونداي-اق قبتۋ رەكتورى ماراتبەك عابدۋللين مەن ينفراقۇرىلىم جونىندەگى پرورەكتور سالاۆات بەكتەمىسوۆ قاتىستى، دەپ حابارلايدى aqshamnews.kz تجم-گە سىلتەمە جاساپ.
توتەنشە جاعدايلار ءمينيسترىنىڭ بۇيرىعىمەن قبتۋ عيماراتىندا ءورتتى ءسوندىرۋ كەزىندە قىزمەتتىك مىندەتتەرىن ادال اتقارعانى ءۇشىن «ورتتە كورسەتكەن قايسارلىعى ءۇشىن» مەدالدارىمەن ناگرادتالدى:
مۋسين دياس رادي ۇلى - ءورت ءسوندىرۋ جانە اۆاريالىق-قۇتقارۋ جۇمىستارىن ۇيىمداستىرۋ باسقارماسىنىڭ باستىعى؛
ماگامەدوۆ كاميل ماحمۋتجانوۆيچ - ءورت ءسوندىرۋ جانە اۆاريالىق-قۇتقارۋ جۇمىستارىن ۇيىمداستىرۋ باسقارماسىنىڭ باس مامانى؛
سۇلەيمانوۆ رۋسلان باحتيار ۇلى - جەتىسۋ اۋدانىنىڭ تج باسقارماسى № 12 ءورت ءسوندىرۋ ءبولىمىنىڭ بولىمشە كومانديرى؛
ءالياسقاروۆ دارحان جاقىتبەك ۇلى - المالى اۋدانىنىڭ تج باسقارماسى № 9 ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى؛
نۇعىمانوۆ قاناتبەك تالعات ۇلى - اۋەزوۆ اۋدانىنىڭ تج باسقارماسى № 6 مامانداندىرىلعان ءورت ءسوندىرۋ ءبولىمىنىڭ ءورت ءسوندىرۋ ءاۆتوموبيلىن جۇرگىزۋ جونىندەگى نۇسقاۋشىسى؛
تالدىبايەۆ باقىتجان باقىتبەرگەن ۇلى - مەدەۋ اۋدانىنىڭ توتەنشە جاعدايلار باسقارماسى № 5 مامانداندىرىلعان ءورت ءسوندىرۋ ءبولىمىنىڭ ءورت ءسوندىرۋشى-قۇتقارۋشىسى.
قبتۋ رەكتورى ماراتبەك عابدۋللين قۇتقارۋشىلارعا جانقيارلىق جۇمىستارى ءۇشىن العىسىن ءبىلدىردى: «سىزدەردىڭ كۇش-جىگەرلەرىڭىزدىڭ ارقاسىندا ءورتتىڭ اۋىر سالدارىن بولدىرماي، قازاقستاننىڭ مادەني جانە ءبىلىم بەرۋ مۇراسىنىڭ ماڭىزدى بولىگى بولىپ تابىلاتىن ءبىزدىڭ تاريحي عيماراتىمىزدى ساقتاۋعا مۇمكىندىك تۋدى. ءبىز سىزدەرگە ءوز ىستەرىڭىزگە جانە وتان الدىنداعى ادال قىزمەتتەرىڭىز ءۇشىن ريزامىز. سىزدەردىڭ جانقيارلىق جۇمىستارىڭىزدىڭ ارقاسىندا ءبىز قالا تۇرعىندارى، ءوزىمىزدى ءقاۋىپسىز سەزىنەمىز، ەرتەڭگى كۇنگە سەنىمىمىز مول. سىزدەر ءبىزدىڭ قاۋىپسىزدىگىمىز ءۇشىن باستارىڭىزدى كۇن سايىن قاۋىپ-قاتەرگە تىگەتىن ناعىز باتىرلارسىزدار!»
ۋنيۆەرسيتەت ۇجىمى اتىنان العىس رەتىندە قۇتقارۋشىلارعا ەستەلىك كادەسىي – عيماراتتىڭ حرۋستال ماكەتى تابىس ەتىلدى.
ەسكە سالايىق، 11 قاڭتاردا ساعات 22.10-دا بەس قاباتتى قبتۋ عيماراتىندا 120 شارشى مەتر الاڭدا ءورت ورىن الدى. قۇتقارۋشىلار جوعارعى رانگ بويىنشا وقيعا ورىنىنا جەدەل جەتىپ، ءتورت جاۋىنگەرلىك ۋچاسكەدەگى ءورتتى سوندىرۋگە كىرىستى. عيمارات قۇرىلىسىنىڭ ەرەكشەلىكتەرى، جوعارى ءورت جۇكتەمەسى جانە قاتتى ءتۇتىن ءورت ءسوندىرۋ جۇمىستارىن قيىنداتتى. وقيعا ورنىندا تجد باسشىلىعىمەن جەدەل شتاب ورىستەتىلدى، قازاقستان تجم كوماندالىق ورتالىعى جۇمىستى ونلاين ۇيلەستىردى.
ءورت سوندىرۋشىلەردىڭ ۇيلەسىمدى ارەكەتتەرىنىڭ ارقاسىندا تاريحي عيمارات قۇتقارىلدى. ءورتتى وقشاۋلاۋ كەزىندە اكىمشىلىك عيماراتتىڭ توبەسىنەن قازاقستاننىڭ تۋى زاقىمدالماي تومەنگە ءتۇسىرىلدى. ءورتتى سوندىرۋگە الماتى قالاسى تجد 80 قىزمەتكەرى مەن 28 بىرلىك تەحنيكاسى جۇمىلدىرىلدى.