الەمدىك رەيتينگتە 81- ورىندى يەلەندى.
TasteAtlas ەلەكتروندى ەنسيكلوپەدياسى "الەمدەگى ەڭ ۇزدىك 100 شۇجىق" رەيتينگىسىن جاسادى، دەپ حابارلايدى Almaty-akshamy.kz
TasteAtlas – اس ازىرلەۋشىلەرگە ارنالعان ۇلكەن رەسۋرس. مۇندا ءار ءتۇرلى تاعامنىڭ رەيتينگىسى ۇنەمى جاريالانادى. ماسەلەن، "الەمدەگى ەڭ ۇزدىك 100 شۇجىق" تىزىمىندە جىلقى ەتىنەن جاسالعان ءداستۇرلى قازاق شۇجىعى 81-ورىندى يەلەندى. رەيتينگىنىڭ جوعارعى جاعىندا نەمىستىڭ Bockwurst ساردەلكالارى، ال ودان تومەن شۆەدتىڭ Prinskorv شۇجىعى ورنالاسقان. ۆينيايش قالاسىندا وندىرىلەتىن پورتۋگالدىق "اليەرا" شۇجىعى كوش باستاپ تۇر.
سيپاتتامادا كورسەتىلگەندەي رەيتينگ سايت پايدالانۋشىلارىنىڭ باعالاۋى نەگىزىندە جاسالعان.
"الەمدەگى ەڭ ۇزدىك 100 شۇجىق" ءتىزىمىن جاساۋ ءۇشىن 2024 جىلدىڭ 15 مامىرىنا دەيىن 7274 باعا تىركەلدى، ونىڭ 5465ء-ى جۇيە زاڭدى دەپ تانىلدى"، - دەلىنگەن رەيتينگتىڭ سيپاتتاماسىندا.
قۇراستىرۋشىلار سونىمەن قاتار جەلىدەگى بوتتاردى، سونداي-اق "ۇلتشىل جانە جەرگىلىكتى پاتريوتتىق رەيتينگىلەردى" ەلەكتەن وتكىزەتىندەرىن اتاپ وتەدى.
"TasteAtlas" رەيتينگىن تاعامنىڭ سوڭعى جاھاندىق قورىتىندىسى رەتىندە قاراستىرۋعا بولمايدى. ولاردىڭ ماقساتى – كەرەمەت جەرگىلىكتى تاعامداردى ناسيحاتتاۋ، ءداستۇرلى تاعامدارعا دەگەن ماقتانىش سەزىمىن وياتۋ جانە ءسىز ءالى ءدامىن كورمەگەن تاعامدارعا قىزىعۋشىلىق تۋدىرۋ"، - دەپ اتاپ ءوتتى اۆتورلار.
قازاقستان تمد جانە ورتالىق ازيا ەلدەرى اراسىندا "الەمدەگى ەڭ ۇزدىك 100 شۇجىق" تىزىمىنە ەنگەن جالعىز ەل.