ءال-فارابي اتىنداعى قازاق ۇلتتىق ۋنيۆەرسيتەتىنىڭ 5 جاس عالىمىنا ق ر پرەزيدەنتى قاسىم-جومارت توقايەۆتىڭ اتىنان پاتەر كىلتى تابىس ەتىلدى، دەپ حابارلايدى aqshamnews.kz
قازۇۋ-دىڭ 90 جىلدىعىنا ارنالعان شارادا جاس زەرتتەۋشىلەرگە پاتەر سەرتيفيكاتىن ق ر مەملەكەتتىك كەڭەسشىسى ەرلان قارين سالتاناتتى تۇردە تابىستادى.
اتاپ ايتقاندا اعا وقىتۋشىلارولجاس قۇرمانبايەۆ پەن جانار رايىمبەكوۆا، عىلىمي-يننوۆاسيالىق قىزمەت جانە حالىقارالىق بايلانىس كافەدراسى مەڭگەرۋشىسىنىڭ ورىنباسارى نۇرگۇل امانگەلدى، مولەكۋلالىق بيولوگيا جانە گەنەتيكا كافەدراسىنىڭ عىلىمي قىزمەتكەرى ايگەرىم قۋانباي، سونداي-اق اعا عىلىمي قىزمەتكەر اجار مالىك جاڭا پاتەردىڭ يەسى اتاندى.
«قاتتى قۋانىشتىمىن. مەن ءۇشىن كۇتپەگەن وقيعا بولدى. بۇگىن پاتەر سەرتيفيكاتىن قولىما الىپ جاتىرمىن. ايتار العىسىم شەكسىز. قازىرگى ساتكە دەيىن جالدامالى پاتەردە تۇراتىنمىن. ەندى ءوز ءۇيىم بار»، - دەدى نۇرگۇل امانگەلدى.
سونىمەن قاتار پاتەر يەسى اتانعان جاس عالىمنىڭ ءبىرى - اجار مالىك. ول ءال-فارابي اتىنداعى قازاق ۇلتتىق ۋنيۆەرسيتەتىندە 9 جىل ءبىلىم الىپ، قازىرگى ساتتە اتالعان وقۋ ورداسىندا تابىستى جۇمىس ىستەۋدە.
«ق ر پرەزيدەنتىنىڭ شەشىمىمەن جاس عالىمدارعا پاتەر سەرتيفيكاتى بەرىلەتىنىن ەستىدىم. ءبىراق سول تىزىمگە ەنىپ، پاتەر يەسى اتانامىن دەگەن وي بولعان جوق. بۇگىن تابىستاعاندا قاتتى قۋاندىم. وسى ورايدا جاس عالىمداردىڭ ەڭبەگىن باعالاپ جاتقان بارلىق جانعا العىسىمدى بىلدىرگىم كەلەدى. اتا-انامنىڭ ۇيىندە تۇراتىنمىن. الداعى ۋاقىتتا جاڭا پاتەرگە كوشۋدى جوسپارلاپ وتىرمىن»، - دەيدى جاس عالىم اجار مالىك.
شارادان سوڭ جاس عالىمدار جاڭادان بەرىلگەن پاتەرلەرىنە بارىپ، العاشقى سەزىمدەرىمەن ءبولىستى.