قىرىم تاتارلارىنىڭ «ۆاتانداش» ۇلتتىق مادەني ورتالىعىنىڭ ءتوراعاسى، پروفەسسور سەيىت بابالييەۆ الماتىلىقتاردىڭ سايلاۋ ۋچاسكەلەرىنە جوعارى بەلسەندىلىكپەن كەلەتىنىنە سەنىمدى.
– بۇگىن بۇكىل ەل ءۇشىن وتە ماڭىزدى كۇن! سوندىقتان مەن وتباسى جاعدايىنا بايلانىستى №53 مەكتەپتە ورنالاسقان №367 سايلاۋ ۋچاسكەسىنە ەرتەرەك كەلىپ، ءوز تاڭداۋىمدى جاسادىم. البەتتە، تاڭەرتەڭگى ساعات 7-دە ادامدار از بولدى. ونىڭ ۇستىنە بۇگىن جەكسەبى – دەمالىس. دەيتۇرعانمەن، الماتىلىقتار بۇگىنگى تاريحي كۇننىڭ ءوز دەڭگەيىندە وتۋىنە اتسالىساتىنىنا ءوز باسىم سەنىمدىمىن. ويتكەنى، ءبىزدىڭ تۇرعىندار ەل ومىرىندە بولىپ جاتاتىن وسىنداي ماڭىزدى شارالاردا ۇنەمى بەلسەندىلىك تانىتىپ جاتادى. مەن دە ءبىرىنشى جىل كەلىپ تۇرعانىم جوق. مۇنداي ساياسي دودالاردان ەشقاشان قالىس قالعان ەمەسپىن.