باسەكەلەستىكتى قورعاۋ جانە دامىتۋ اگەنتتىگى وتكەن جىلعى قۇرىلىس-مونتاجداۋ نارىعىنداعى باسەكەلەستىكتىڭ جاي-كۇيىن تەكسەردى. ونىڭ بارىسىندا «قازترانسگاز ايماق» اق-نىڭ تۇتىنۋشىلاردىڭ ۇيىشىلىك گاز جەلىسىن تابيعي گازعا قوسۋ كەزىندە قىزمەت كورسەتۋى دۇرىس ەمەستىگى بەلگىلى بولدى، دەپ حابارلايدى Almaty-akshamy.kz.
وسىلايشا اگەنتتىك كومپانيانىڭ مەردىگەرلەرى مەن تاۋەلسىز قۇرىلىسشىلاردىڭ قۇرىلىس-مونتاجداۋ جۇمىستارىنىڭ قۇنىنا سالىستىرمالى تالداۋ جۇرگىزدى.
ول باعالاردىڭ سالىستىرمالى ەكەندىگىن جانە بىردەي باعا دياپازونىندا ەكەنىن كورسەتتى (كەيبىر وڭىرلەردە اكسيونەرلىك قوعام مەردىگەرلەرىنىڭ قىزمەت قۇنى جەكە كومپانيالاردىڭ ۇقساس قىزمەتتەرىنەن جوعارى). ونىڭ گازداندىرۋ قارقىنىنا اسەرى شامالى، دەپ جازدى قازاقپارات.
بۇل رەتتە «قازترانسگاز ايماق» اق ۇسىناتىن باعا قۇرىلىس نارىعىندا نەعۇرلىم قولجەتىمدى ۇسىنىستاردىڭ بولۋىنا بايلانىستى دامىعان باسەكەسى بار نارىقتاعى باعانىڭ ينديكاتورى بولا المايدى.
سونداي-اق، مەملەكەتتىڭ تىكەلەي ارالاسۋىنسىز گازداندىرۋ قارقىنىن جەدەلدەتۋ ماقساتىندا بقدا تاراپىنان ءتيىستى مەملەكەتتىك ورگاندارعا ۇسىنىستار جولداندى.
جوعارىدا ايتىلعانداردىڭ نەگىزىندە 22 ماۋسىمدا بقدا اكسيونەرلىك قوعامعا قمج نارىعىندا، ونىڭ ىشىندە وسى جۇمىستاردى بوگدە ۇيىمداردان ساتىپ الۋ ارقىلى جۇزەگە اسىرۋدى توقتاتۋ قاجەتتىگى تۋرالى ۇيعارىم شىعاردى.
نۇسقامانى ورىنداۋعا 15 كۇنتىزبەلىك كۇن بەرىلدى.