الماتى، تالدىقورعان، شىمكەنت قالالارىن، سونداي-اق جامبىل جانە تۇركىستان وبلىستارىن قامتىعان جەر سىلكىنىسى سالدارىنان گاز قۇبىرلارىنىڭ جارىلۋى مەن گازدىڭ اۋاعا تارالۋى سياقتى وقيعالاردىڭ ورىن الۋ ءقاۋپى تۋىنداۋدا، دەپ حابارلايدى اlmaty-akshamy.kz.
بۇل وڭىرلەردە «قازترانسگاز ايماق» اق ماماندارى جەر ءدۇمپۋى ورىن العان ساتتەن باستاپ گاز قۇبىرلارى مەن جابدىقتارىن مۇقيات تەكسەرۋدە.
جەر سىلكىنىسىنەن كەيىنگى پروفيلاكتيكالىق جۇمىس رەتىندە «قازترانسگاز ايماق» اق ماماندارى «ينتەرگاز ورتالىق ازيا» اق ارىپتەستەرىمەن بىرلەسىپ، الماتى وندىرىستىك فيليالىنىڭ گاز تاسىمالداۋ جانە تاراتۋ جۇيەلەرىنىڭ، جەراستى گاز قۇدىقتارىنىڭ جاعدايىن تەكسەرىستەن وتكىزدى.
وسىنداي شۇعىل قيمىلداردىڭ ارقاسىندا بۇرناعى كۇنى الماتىدا گازدىڭ اۋاعا تارالۋىن جەدەل انىقتايتىن «دلس-پەرگام» ءموبيلدى زەرتحاناسى ورتاشا قىسىمدى جەراستى گاز قۇبىرىنان گازدىڭ اۋاعا تارالىپ جاتقانىن انىقتادى. گاز قۇبىرىنداعى اقاۋدى قالپىنا كەلتىرۋ ءۇشىن 170 جەكە ءۇي كوگىلدىر وتىننان ۋاقىتشا اجىراتىلدى.
ەگەر گاز قۇبىرى ىستەن شىعىپ، وعان شۇعىل جوندەۋ جۇمىستارى جۇرگىزىلۋى ءتيىس بولىپ جاتسا، كوگىلدىر وتىن ەسكەرتۋسىز ءوشىرىلۋى مۇمكىن. سوندىقتان قالا تۇرعىندارى ءماجبۇرلى تۇردە، ەسكەرتۋسىز اجىراتىلعان گاز ءۇشىن سالا ماماندارىنىڭ جۇمىسىنا تۇسىنىستىكپەن قاراسا دەيمىز.