جەلىدە الماتىدان تارالعان بەينەجازبا قازاقستاندىقتاردىڭ نازارىن اۋدارتتى. كوممەنتاتورلار بۇل وقيعانى "قازاقستانداعى ەڭ قىمبات توي" دەپ اتاۋدا، دەپ حابارلايدى اlmaty-akshamy.kz.
بەينەروليككە سۇيەنسەك، تويدا قوناقتار اراسىندا پاتەرلەر، اۆتوموبيلدەر جانە سمارتفوندار سىيلىققا تارتىلدى. بۇرىنعى شەنەۋنىكتەر دە مەرەيتوي يەسىن قۇتتىقتاۋعا ارنايى كەلدى.
بەلگىلى بولعانداي، بۇل شارا ەكس-دەپۋتات ماقسات رامانقۇلوۆتىڭ 50 جىلدىق مەرەيتويىنا ارنالعان. رامانقۇلوۆ بۇل اقپاراتتى تەلەفون ارقىلى راستادى جانە ونى "ادەتتەگى وقيعا، مۇندا ەرەكشە ەشتەڭە جوق، ءار اپتا سايىن وسىنداي بولادى" دەپ مالىمدەدى.
مەرەيتويعا شامامەن 20-30 ميلليون تەڭگە جۇمسالعانى بەلگىلى بولدى.
ماقسات رامانقۇلوۆ ءوزىن قۇرىلىسشى دەپ اتايدى. سونىمەن قاتار، ول ونەر مەسەناتى رەتىندە بەلگىلى: گۋمانيتارلىق كومەك جيناقتاپ، قايىرىمدىلىق تۇسكى استارىن ۇيىمداستىرىپ تۇرادى.
بۇل جاڭالىق قازاقستاندىقتاردىڭ نازارىن اۋدارىپ، قازنەتتە قىزۋ تالقىلانۋدا.