«قازمۇنايگاز» كومپانياسى جانىنان قۇرىلعان جاڭا ينۆەستيسيالىق قورعا اقشا سالعاندار ايىنا 3 000 دوللارعا دەيىن ءپاسسيۆتى پايدا تابادى. بۇل – جالعان جارناما، دەپ حابارلايدى Almaty-akshamy.kz Inform.kz-كە سىلتەم جاساپ.
«قازنەتتە قاسىم-جومارت توقايەۆتىڭ تاپسىرماسى بويىنشا «قازمۇنايگاز» كومپانياسى جانىنان قۇرىلعان جاڭا ينۆەستيسيالىق قوردىڭ جارناماسى بەلسەندى تۇردە تاراپ جاتىر. شىن مانىندە، «قازمۇنايگاز» كومپانياسىنىڭ دا، ق ر پرەزيدەنتىنىڭ دە بۇل «قورعا» ەشقانداي قاتىسى جوق. بۇعان كومپانيانىڭ رەسمي سايتىنا كىرىپ، كوز جەتكىزۋگە بولادى. قازاقستاندىقتارعا ءىس جۇزىندە جوق قورلارعا «ينۆەستيسيا سالۋ» بۇعان دەيىن دە بىرنەشە رەت ۇسىنىلعان. جەلىدە وسىعان ۇقساس جارناما HalykBank اتىنان تاراتىلعان بولاتىن»، - دەيدى اقپاراتتى تەكسەرۋشىلەر.