قازمۇنايگاز اكسيالارىن ءىرو-عا شىعارۋعا جول اشاتىن قاۋلى شىقتى

اكسيانىڭ باعاسى شامامەن 8 406 تەڭگە بولماق.

«قازمۇنايگاز» كومپانياسى اكسيالارىن حالىقتىق ءىرو-عا شىعارۋعا جول اشاتىن ۇكىمەت قاۋلىسى جاريالاندى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«سامۇرىق-قازىنا» ۇلتتىق ءال-اۋقات قورى» اكسيونەرلىك قوعامى زاڭنامادا بەلگىلەنگەن تارتىپپەن «قازمۇنايگاز» ۇلتتىق كومپانياسى» اكسيونەرلىك قوعامىنىڭ ورنالاستىرىلعان اكسيالارىنىڭ جالپى سانىنىڭ 15،42 پايىزىنان اسپايتىن، كومپانيانىڭ 94 109 125 (توقسان ءتورت ميلليون ءبىر ءجۇز توعىز مىڭ ءبىر ءجۇز جيىرما بەس) جاي اكسياسىن قوردىڭ جالعىز اكسيونەرىنىڭ شەشىمىمەن بەكىتىلەتىن قوردىڭ ديرەكتورلار كەڭەسىنىڭ شەشىمىمەن ايقىندالاتىن باعا، سان جانە قۇرىلىم بويىنشا يەلىكتەن شىعارسىن» دەلىنەدى ق ر پرەمەر-مينيسترى ءاليحان سمايىلوۆ قول قويعان قاۋلىدا.

قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
ايتا كەتەرلىگى، تاياۋدا «سامۇرىق-قازىنا» اق باسقارما ءتوراعاسى الماسادام ساتقالييەۆ قور «قازمۇنايگازدىڭ» 30 505 974 جاي اكسياسىن ساتۋعا نيەتتى ەكەنىن ايتقان ەدى.
بۇل رەتتە ءبىر جاي اكسيانىڭ باعاسى شامامەن 8 406 تەڭگە بولماق.