«تازا قازاقستان» رەسپۋبليكالىق اكسياسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا سيرك قىزمەتكەرلەرى الماتىنى كوركەيتۋگە ۇلەس قوستى، دەپ حابارلايدى اlmaty-akshamy.kz.
ولار قاراعايلى ورمانىنا جاپپاي اعاش وتىرعىزدى.
«ءبىزدىڭ الماتى قالاسى ءوزىنىڭ شىعۋ تەگى مەن اتاۋىنا ساي المانىڭ وتانى. كوپتەگەن ءارتۇرلى اعاش وسەدى، ونىڭ ىشىندە المانىڭ سان ءتۇرلى سورتى مەن ءتۇرى بار، ارينە، سونىڭ ءبىرى ايگىلى اپورت. ءبىز سيرك قىزمەتكەرلەرى 8 ساۋىردەن باستاپ قالامىزدىڭ بارلىق 8 اۋدانىنا اعاش وتىرعىزۋدى باستادىق. بۇگىن ۇلكەن وقيعا. تالاي كوشەت ەكتىك، ادامدار دا كوپ كەلدى. ءبىزدىڭ ورتاق ۇيىمىزدە - الماتىدا ءوزىمىزدى ءبىر وتباسى مۇشەسى رەتىندە سەزىندىك. قالامىز ودان سايىن جاسىل جەلەككە بولەنىپ، ادەمى بولا بەرسىن»، - دەدى قازمەمسيرك ديرەكتورىنىڭ ورىنباسارى نۇرلان التايەۆ.
ەستەرىڭىزگە سالا كەتەيىك، بۇگىن «الماتى – ب ا ق قالا» اكسياسى بارىسىندا 8 مىڭنان استام اعاش وتىرعىزىلدى، ونىڭ 4 مىڭنان استامى الما. «قاراعايلى ورمانى» ساياباعىنىڭ اۋماعىندا 500 الما جانە ورىك كوشەتى، «ALA» ساياباعىنىڭ اۋماعىندا 2270 كوشەت جانە بورالداي وزەنىنىڭ بويىنداعى باقىلاۋ الاڭىندا 1000-عا جۋىق كوشەت وتىرعىزىلدى.