الماتى اكىمى ەربولات دوسايەۆ اۋەزوۆ اۋدانىنىڭ تۇرعىندارىمەن كەزدەسۋدە اكىمدىك الەۋمەتتىك وسال ازاماتتارعا ءتاريفتىڭ ءوسۋىن وتەيتىنىن، بۇل ماقساتقا قاراجات قالالىق بيۋدجەتتەن بولىنگەنىن مالىمدەدى، دەپ حابارلايدى aqshamnews.kz
«قولداۋعا مۇقتاج تۇرعىندارعا ارنالعان ارنايى باعدارلاما قالادا ەكى جىلدان استام ۋاقىت بۇرىن ىسكە قوسىلعان. الەۋمەتتىك وسال ساناتتاعى ازاماتتار اۋداندىق باسقارمالارعا جۇگىنىپ، قاجەتتى كومەك الا الادى. بۇل ماقساتقا قاراجات بيۋدجەتتە قاراستىرىلعان»، – دەدى ەربولات دوسايەۆ.
قالا باسشىسى قازىرگى كوممۋنالدىق تاريفتەر ءالى دە ايتارلىقتاي سۋبسيديالاناتىنىن اتاپ ءوتتى. اكىمدىككە سۋدى تۇتىنۋ بويىنشا سارالانعان تولەمگە قاتىستى كوپتەگەن سۇراق كەلىپ تۇسەدى.
«وكىنىشكە قاراي، قالادا سۋ ەسەپتەگىش قۇرىلعىلارى جوق تۇرعىنداردىڭ ۇلەسى جوعارى. سوندىقتان ءبىز سارالانعان تولەم جۇيەسىن ەنگىزدىك: ەسەپتەگىشى بارلار ءبىر تاريفپەن تولەيدى، ال ەسەپتەگىشى جوقتار كوتەرىلگەن نورما بويىنشا ەسەپتەسەدى. بۇل ارقىلى ءبىز تۇرعىنداردى ەسەپتەگىش ورناتۋعا ىنتالاندىرعىمىز كەلدى»، – دەدى اكىم.
سونىمەن قاتار، قالا باسشىسى الماتى جىلۋ جەلىلەرىمەن بىرلەسىپ، كوپقاباتتى ۇيلەردەگى جىلۋ ەسەپتەۋ توراپتارىن جاڭعىرتۋ باعدارلاماسى باستالعانىن ايتتى.
ايتا كەتەيىك، الماتى اكىمدىگى الەۋمەتتىك وسال ازاماتتارعا تاريفتەردىڭ ءوسۋىن وتەيدى. جۇمىسپەن قامتۋ جانە الەۋمەتتىك باعدارلامالار باسقارماسىنىڭ مالىمەتىنشە، قولدانىستاعى تولەم جۇيەسى كوممۋنالدىق قىزمەت تاريفتەرىنىڭ كوتەرىلۋىن تولىقتاي وتەيدى.
تاريفتەردىڭ وزگەرۋىن الماتى بويىنشا تابيعي مونوپوليالاردى رەتتەۋ كوميتەتى دەپارتامەنتى بەكىتكەن.
2023 جىلدىڭ شىلدە ايىنان باستاپ ىسكە اسىرىلىپ جاتقان «ينۆەستيسيا ورنىنا تاريف» باعدارلاماسى اياسىندا وتەماقى الگوريتمى ەنگىزىلدى، ول الەۋمەتتىك وسال ازاماتتاردىڭ توعىز ساناتىن قامتيدى. ولاردىڭ قاتارىنا ارداگەرلەر، مۇمكىندىگى شەكتەۋلى ازاماتتار، كوپبالالى وتباسىلار، زەينەتكەرلەر جانە قولداۋعا مۇقتاج باسقا دا ساناتتار كىرەدى. 2024 جىلدىڭ قاڭتارىنداعى مالىمەتكە سايكەس، وتەماقى الۋشىلار سانى – 141،7 مىڭ ادام، كورسەتىلگەن كومەك كولەمى – 5،4 ملرد تەڭگە.
قالا ءۇشىن الەۋمەتتىك وسال ساناتتاعى تۇرعىنداردى قولداۋ باسىمدىق بولىپ قالا بەرەدى.