2024 جىلى قازاقستانداعى شەتەلدىك جۇمىسكەرلەرگە بولىنگەن كۆوتا جۇمىس كۇشىنىڭ 0،23%-ىن قۇرايدى.
ق ر ەڭبەك جانە حالىقتى الەۋمەتتىك قورعاۋ مينيسترلىگى ىشكى ەڭبەك نارىعىن قورعاۋ ماقساتىندا جىل سايىن جۇمىس بەرۋشىلەردىڭ قاجەتتىلىكتەرى بويىنشا قازاقستانعا شەتەلدىك جۇمىس كۇشىن (بۇدان ءارى – شجك) تارتۋعا كۆوتا مولشەرىن بەكىتىپ، بولەدى، دەپ حابارلايدى Almaty-akshamy.kz.
Cالا مينيسترلىگىنىڭ مالىمەتىنشە، 2024 جىلى بولىنگەن جالپى كۆوتا سانى ەلىمىزدەگى جۇمىس كۇشىنىڭ 0،23%-ىن نەمەسە 22 مىڭ بىرلىك مولشەرىندە بەلگىلەندى.
2024 جىلى شجك-نى جۇمىسقا تارتۋ بويىنشا 4 ساناتتا كۆوتا ءبولىندى: ءبىرىنشى سانات بويىنشا 906 رۇقسات (باسشىلار جانە ولاردىڭ ورىنباسارلارى)، ەكىنشى سانات – 5 054 رۇقسات (قۇرىلىمدىق بولىمشەلەردىڭ باسشىلارى). رۇقساتتاردىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 10 786 جانە 2 888 بىرلىك. سونداي-اق ماۋسىمدىق جۇمىستارعا 2 366 ادامعا دەيىن جۇمىس كۇشى تارتىلۋى مۇمكىن.
بۇدان باسقا، 2024 جىلى ءۇي شارۋاشىلىقتارىندا جۇمىس ىستەۋ ءۇشىن ەڭبەك يمميگرانتتاردى تارتۋعا ارنالعان كۆوتا رەسپۋبليكاداعى جۇمىس كۇشىنىڭ سانىنا قاتىستى 3،1% نەمەسە 271،3 مىڭ بىرلىك مولشەرىندە بەلگىلەنگەن.
ەستەرىڭىزگە سالا كەتەيىك، 2023 جىلى جەرگىلىكتى اتقارۋشى ورگاندار جۇمىس بەرۋشىلەرگە شجك تارتۋ ءۇشىن 14،5 مىڭ رۇقسات بەردى جانە ۇزارتتى، بۇل قايتا بولىنگەن كۆوتانىڭ 78،5% - ىن (18 مىڭ) قۇرادى.
قازىرگى ۋاقىتتا قازاقستان اۋماعىندا جەرگىلىكتى اتقارۋشى ورگانداردىڭ رۇقساتى بويىنشا 13 183 شەتەل ازاماتى جۇمىس ىستەيدى.
2023 جىلى ءۇي شارۋاشىلىقتارىندا جۇمىس ىستەۋ ءۇشىن ەڭبەك يمميگرانتتارىن تارتۋعا 305،8 مىڭ بىرلىك كۆوتا بەلگىلەندى. ال جەرگىلىكتى اتقارۋشى ورگاندار 295 261 رۇقسات بەردى.