رەسپۋبليكانىڭ باسىم بولىگىندە كۇن قۇبىلمالى
«قازگيدرومەت» رمك-سى 13 جەلتوقساننىڭ كۇن رايى بولجامىن جاريالادى، دەپ حابارلايدى Almaty-akshamy.kz.
كاسىپورىننىڭ بولجامىنا قاراعاندا، 13 جەلتوقساندا فرونتالدى بولىكتەردىڭ وتۋىنە وراي رەسپۋبليكانىڭ باسىم بولىگىندە كۇن قۇبىلمالى بولادى، قار جاۋىپ، وڭتۇستىك جانە وڭتۇستىك-شىعىستا جاۋىن-شاشىن (جاڭبىر، قار)، وڭتۇستىكتە تاۋلى اۋدانداردا نوسەر جاۋىن جاۋادى.
تەك رەسپۋبليكانىڭ باتىسى مەن سولتۇستىگىندە كۇن جاۋىن-شاشىنسىز بولادى. رەسپۋبليكا بويىنشا كەي جەرلەردە تۇمان ءتۇسىپ، كوكتايعاق بولادى، جەل كۇشەيەدى. ق ر سولتۇستىك-باتىسىندا، شىعىسىندا، ورتالىعىندا جاياۋ بۇرقاسىن سوعادى.
تۇركىستان وبلىسىنىڭ سولتۇستىگىندە، باتىسىندا، تاۋلى، تاۋ بوكتەرلى اۋداندارىندا تۇمان ءتۇسىپ، كوكتايعاق بولادى، وبلىستىڭ سولتۇستىگىندە جەلدىڭ جىلدامدىعى سەكۋندىنا 15-20 مەترگە جەتەدى.
جامبىل وبلىسىنىڭ سولتۇستىگىندە، تاۋلى، تاۋ بوكتەرلى اۋداندارىندا تۇمان ءتۇسىپ، كوكتايعاق بولادى، وبلىستىڭ وڭتۇستىك-باتىسىندا، تاۋلى اۋداندارىندا جەلدىڭ جىلدامدىعى سەكۋندىنا 15-20 مەترگە دەيىن جەتەدى.
قاراعاندى وبلىسىنىڭ سولتۇستىگىندە، شىعىسىندا، وڭتۇستىگىندە جاياۋ بۇرقاسىن سوعىپ، تۇمان ءتۇسىپ، كوكتايعاق بولادى.
شىعىس قازاقستان وبلىسىنىڭ سولتۇستىگىندە جاياۋ بۇرقاسىن سوعىپ، تۇمان تۇسەدى، وبلىستىڭ وڭتۇستىك-باتىسىندا جەل 15-20 م/س جىلدامدىقپەن سوعادى.
قىزىلوردا وبلىسىنىڭ ورتالىعىندا، وڭتۇستىگىندە تۇمان ءتۇسىپ، كوكتايعاق بولادى، وبلىستىڭ سولتۇستىگىندە جەل 15-20 م/س-قا دەيىن كۇشەيەدى.
قوستاناي وبلىسىنىڭ وڭتۇستىگىندە جاياۋ بۇرقاسىن سوعىپ، وبلىستىڭ سولتۇستىگىندە تۇمان تۇسەدى، تۇندە وبلىستىڭ وڭتۇستىگىندە جەل 15-20 م/س جىلدامدىقپەن سوعادى.
كۇندىز پاۆلودار وبلىسىنىڭ سولتۇستىگىندە، شىعىسىندا جەلدىڭ جىلدامدىعى 18 م/س-قا جەتىپ، جاياۋ بۇرقاسىن سوعادى.
اقتوبە وبلىسىنىڭ سولتۇستىگىندە تۇمان تۇسەدى، وبلىستىڭ وڭتۇستىك-شىعىسىندا جەل 15-20 م/س-قا دەيىن كۇشەيەدى. الماتى وبلىسىندا الاكول اۋدانىندا جەل 15-20 م/س كۇشەيەدى.