ورتالىقتاندىرىلعان باسقارۋ جۇيەسى جۇمىس تيىمدىلىگىن ارتتىرۋعا تىڭ سەرپىن بەرەدى دەپ كۇتىلۋدە.
اۆتوجول سالاسىن رەفورمالاۋ شەڭبەرىندە «قازاۆتوجول» ۇك» اق «قازاقاۆتوجول» جشس-مەن بىرىكتىرىلەدى، دەپ حابارلايدى Almaty-akshamy.kz
يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاۋىنشا، قاۋلى جوباسى ۇكىمەتكە تامىز ايىندا ەنگىزىلەتىن بولادى.
ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ قازاقستاندا ءبىرىڭعاي اۆتوجول كومپانياسىن قۇرۋدى تاپسىرعان بولاتىن. وسىعان وراي بۇگىندە ارنايى جۇمىس توبى قۇرىلىپ، ىسكە كىرىستى. سونىمەن قاتار «رەسپۋبليكالىق مەنشىكتىڭ كەيبىر ماسەلەلەرى تۋرالى» ق ر ۇكىمەتىنىڭ قاۋلىسىنا تۇزەتۋلەر ەنگىزۋ بويىنشا جوبا دايارلانۋدا.
«قازاۆتوجول» ۇلتتىق كومپانياسى مەن «قازاقاۆتوجول» ج ش س بىرىكتىرۋ تۋراسىنداعى پرەزيدەنت تاپسىرماسىن ىسكە اسىرۋ بويىنشا قۇرىلعان جۇمىس توبى ىسكە كىرىستى. جاقىن ارادا سوڭعى 10 جىلدا جۇزەگە اسىرىلعان اۆتوجول جوبالارىن تەكسەرۋ جونىندەگى كوميسسيا قۇرىلاتىن بولادى. كوميسسيا قۇرامىنا مەملەكەتتىك جانە پروكۋراتۋرا ورگاندارى مەن «اتامەكەن» ۇلتتىق كاسىپكەرلەر پالاتاسىنىڭ وكىلدەرى كىرەدى»، – دەدى يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ۇكىمەت وتىرىسىندا.
ورتالىقتاندىرىلعان باسقارۋ جۇيەسى جۇمىس تيىمدىلىگىن ارتتىرۋعا تىڭ سەرپىن بەرەدى دەپ كۇتىلۋدە. رەسپۋبليكالىق ماڭىزى بار جولداردىڭ ساپاسى ءۇشىن جاۋاپكەرشىلىك ءبىرىڭعاي وپەراتورعا جۇكتەلەدى.