قىزمەتتەن كەتەتىنىن مەيىرحات قاسىمبايەۆ 30 قازاندا Instagram جەلىسىندە جاريالادى.
"بۇگىن جەكە شەشىمىمە سايكەس "قازاۆتوجول "ۇك"اق باسقارما ءتوراعاسى قىزمەتىن اياقتادىم. ەكى جىلعا جۋىق ۋاقىت ىشىندە ارىپتەستەرىممەن بىرلەسە قۇرىلىسى ۇزاققا سوزىلعان جولداردى قولعا الىپ، جوبالاردى اياقتاۋ ءۇشىن ايانباي ەڭبەك ەتتىك. ۇلكەن جۇمىس اتقارىلدى"، – دەپ جازدى ول.
مەيىرحات قاسىمبايەۆتىڭ سوزىنشە، سوڭعى ەكى جىل ىشىندە 7 ملن توننا اسفالت توسەلدى، ياعني شامامەن 2،5 مىڭ شاقىرىم جول جاڭا اسفالتپەن قامتىلعان.
"جاسىراتىنى جوق، اۆتوجول سالاسى مەملەكەت باسشىسىنىڭ تاراپىنان دا، تۇرعىندارىمىزدىڭ تاراپىنان دا بىرنەشە رەت سىنعا ۇشىرادى. جولدىڭ ماسەلەسى ءبىر كۇندە شەشىلمەيدى. وڭ وزگەرىسكە قول جەتكىزۋ ءۇشىن جۇيەلى تۇردە جۇمىس ىستەۋ كەرەك. پرەزيدەنتتىڭ تاپسىرماسىنا سايكەس بىلتىردان بەرى سالانى رەفورمالاۋ ءۇشىن ءبىرقاتار شارا قابىلدانىپ جاتىر" - دەيدى م.قاسىمبايەۆ
مەيىرحات قاسىمبايەۆ "قازاۆتوجول" ۇك اق باسقارما ءتوراعاسى بولىپ ەكى جىلعا جۋىق قىزمەت اتقاردى. ول بۇل قىزمەتكە 2022 جىلعى اقپان ايىندا تاعايىندالعان.