ساۋلە وماروۆا اقش قارجى مينيسترلىگى جانىنداعى ۆاليۋتانى باقىلاۋ باسقارماسىنىڭ باسشىسى لاۋازىمىن يەلەنۋى مۇمكىن.

New York Times باسىلىمىنىڭ مالىمەتىنشە، ساۋلە وماروۆانىڭ كانديداتۋراسىن سەنات ماقۇلداسا، قازاق قىزى بەس جىل قىزمەت ەتىپ، Wall Streetء-تىڭ ءىرى بانكتەرىمەن جاقىن قارىم-قاتىناس ورناتۋعا مۇمكىندىك الادى، دەپ حابارلايدى Almaty-akshamy.kz 

ۆاليۋتالىق باقىلاۋشى اقش-تاعى جەرگىلىكتى جانە شەتەلدىك بانكتەردىڭ قىزمەتىن باقىلايدى. وعان دەيىن بۇل لاۋازىمعا قاراستىرىلعان 2 كانديداتتان اق ءۇي باس تارتقان.
امەريكالىق باسىلىمنىڭ جازۋىنشا، وماروۆا وزگە ۇمىتكەرلەرگە قاراعاندا قارجى يندۋسترياسىندا اسا تانىمال ەمەس، ءبىراق دەموكراتتار ءۇشىن ول وڭتايلى ءارى ماڭىزدى كانديدات. سەبەبى ونى لاۋازىمدى قىزمەتكە تاعايىنداۋ پرەزيدەنت بايدەننىڭ ناسىلدىك جانە ەكونوميكالىق تەڭدىك قالىپتاستىرۋ مۇددەسىن قاناعاتتاندىرادى.

ساۋلە وماروۆا – قازاقستاننىڭ تۋماسى، قارجى سەكتورىن رەتتەۋگە جانە قارجى مەن ەكونوميكاعا مامانداندىرىلعان زاڭ پروفەسسورى جانە نيۋ-يورك ادۆوكاتتار القاسىنىڭ مۇشەسى.

1989 جىلى ماسكەۋ مەملەكەتتىك ۋنيۆەرسيتەتىن، 1999 جىلى Wisconsin ۋنيۆەرسيتەتىن ءبىتىرپ، 2001 جىلى Northwestern ۋنيۆەرسيتەتىنىڭ زاڭ فاكۋلتەتىندە زاڭ عىلىمدارىنىڭ دوكتورى اتانعان. ءقازىر كورنەلل ۋنيۆەرسيتەتىنىڭ پروفەسسورى.

ول دجوردج بۋشتىڭ جانىنداعى اقش قارجى مينيسترلىگىندەگى رەتتەۋشى ساياسات جونىندەگى ارنايى كەڭەسشى بولعان، وعان دەيىن بەس جىل Davis Polk & Wardwell زاڭ فيرماسىندا جۇمىس ىستەگەن.