قازاقتىڭ جانە ەلىمىزدەگى 20-دان استام ەتنوستىڭ حالىق ەرتەگىلەرىنىڭ بەينە نۇسقاسى شىقتى

قازاق حالىق ەرتەگىلەرىنىڭ بەينە نۇسقاسى شىقتى

رەسپۋبليكالىق «قوعامدىق كەلىسىم» ورتالىعى بۇگىننەن باستاپ YouTube جەلىسىندەگى Qogam Life كانالىنا جاڭا ەرتەگى سالىپ وتىرادى، دەپ حابارلايدى Almaty-akshamy.kz 

قازاق جانە ەلىمىزدەگى 20-دان استام ەتنوستىڭ حالىق ەرتەگىلەرىنىڭ بەينە نۇسقاسى شىقتى. رەسپۋبليكالىق «قوعامدىق كەلىسىم» ورتالىعى بۇگىننەن باستاپ YouTube جەلىسىندەگى Qogam Life كانالىنا جاڭا ەرتەگى سالىپ وتىرادى. بالالارعا ارنالعان كونتەنت «قازاقستان حالقى ەرتەگىلەرى» كىتابى بويىنشا دايىندالعان. بۇل كىتاپ جىل باسىندا جارىق كورگەن. تيراجى شەكتەۋلى بولعاندىقتان، ەرتەگىلەردى بارىنشا قولجەتىمدى ءارى ءتيىمدى ەتۋ ءۇشىن ونىڭ بەينە نۇسقاسى دا جاسالعان.

"ءبىرىنشى كىتاپ 4-7 جاس، ەكىنشىسى 8-11 جاس ارالىعىنداعى بالالارعا ارنالعان. ەكى تومنان تۇرادى. جاس ەرەكشەلىكتەرى ەسكەرىلگەن. سونىمەن قاتار، ءار ەرتەگى كولەمى دە 3 مينۋتقا دەيىن. بالالار تەز قابىلداۋ ءۇشىن جالىقتىرمايتىن فورماتتا شىقتى"، - دەدى «قوعامدىق كەلىسىم» رمم ديرەكتورى عالىمجان قۇسمانعالي.

"ەرتەگى وقىپ وسكەن بالانىڭ قيالى ۇشقىر بولادى. ەرتەگى وقىپ وسكەن بالانىڭ جۇرەگىندە مەيىرىمدىلىك ەرتە ويانادى. اكادەميالىق تىلمەن ەمەس، جاتىق تىلمەن اۋدارىپ جاتقان كەزدە ەكىنشى جۇمىس ءجۇرىپ جاتتى. ياعني بەينە فورماتى جاسالدى"، - دەدى جازۋشى كامال الپەيىسوۆا.

سونداي-اق بۇگىن «Khancast» جوباسىنىڭ تۇساۋكەسەرى ءوتتى. بۇل پودكاست - قازاق حاندىعى تاريحىنداعى اقتاڭداقتاردى انىقتاۋ ءۇشىن اناليتيكالىق جانە سالىستىرمالى زەرتتەۋ ەلەمەنتتەرىنەن قۇرالعان سۇحبات. جاڭا ءاۋديوونىمدى حالىقارالىق پلاتفورمادان تىڭداۋعا بولادى.