وتكەن جىلى فيلوسوف-اقىن اباي قۇنانباي ۇلىنىڭ 175 جىلدىق مەرەيتويى قازاقستان پرەزيدەنتى قاسىم-جومارتتوقايەۆتىڭ باستاماسىمەن الەمدىك جانە ۇلتتىق دەڭگەيدە اتالىپ ءوتتى.
وسىعان وراي ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى «اباي اكادەمياسى» عىلىمي-زەرتتەۋ ينستيتۋتى ۇلى اقىننىڭ وتكەن جىلعى تاريحي مەرەيتويىنىڭ شارالارىن جۇيەلەپ، البوم-جيناق شىعاردى، دەپ حابارلايدى Almaty-akshamy.kz
«ايقىن» باسىلىمى جازعانداي، «اباي مەرەيتويى» دەپ اتالاتىن دەرەكتى-تانىمدىق ەڭبەك ا.قۇنانباي ۇلىنىڭ 175 جىلدىق مەجەسىنىڭ تىنىسى مەن ايرىقشا ساتتەرىن قامتىعان.
قازاقتىڭ باس اقىنىنىڭ تويى – تاۋەلسىز قازاقستان رۋحاني جاڭعىرۋىنىڭ بەلدى شاراسى بولسا، جيناق تا ەلدىڭ دانا رۋحىنا تاعزىمىن، مەرەيتوي ەرەكشەلىكتەرىن دالەلمەن جان-جاقتى كورسەتىپ، كورنەكىلىك پەن اقپاراتتىق نەگىزدى قاتار ۇستانعان.
«اباي مەرەيتويى» جيناعى تاۋەلسىز قازاقستانداعى مادەني-رۋحاني قۇندىلىقتارعا دەگەن ىقىلاس پەن قۇرمەتتى، زەرتتەۋ مەن زەردەنىڭ جاڭا بەلەسىن ايقىندايدى.