ونىڭ جاسى 14-تە.
ول ارمەنيا استاناسى ەريەۆاندا 18 جاسقا دەيىنگىلەر اراسىندا وتكەن ITF Juniors J30 TSAGHADZOR GOLDS'S GYM CUP 1 ءتۋرنيرىنىڭ ءابسوليۋتتى چەمپيونى اتاندى، دەپ حابارلايدى Almaty-akshamy.kz
قازاقستان تەننيس فەدەراسياسىنىڭ اقپاراتى بويىنشا، زاڭعار جەكەلەي جانە جۇپتىق سىندا تاماشا ونەر كورسەتكەن.
فينالدا قازاقستاندىق تەننيسشى جارىستىڭ ءبىرىنشى راكەتكاسى، چەحيالىق ياكۋب سمىچەكتى تىزە بۇكتىردى – 7:5، 6:1،
زاڭعار دودا بارىسىندا اۋستريا جاسوسپىرىمدەر قۇراماسى كوشباسشىلارىنىڭ ءبىرى ماكسيميليان حەيدەلمايەرمەن اسا تارتىستى كەزدەسۋ وتكىزدى. ءۇش سەتكە سوزىلعان ماچتا قازاقستاندىق تەننيسشى جەڭىستى جۇلىپ الدى. سوڭعى پارتيادا قارسىلاسىنا ەش مۇمكىندىك قالدىرمادى – 6:0.
ز.نۇرلان ۇلى م.حەيدەلمايەرمەن بىرگە جۇپتىق سىندا فينالدا رەسەيلىكتەر ماكسيم كولوبوۆ – روديون مالمىگيندى ۇتتى – 6:7، 6:4، 10:6.
بۇل – زاڭعار نۇرلان ۇلىنىڭ حالىقارالىق تەننيس فەدەراسياسى وتكىزگەن جارىستا جەكەلەي سىنداعى ەكىنشى تيتۋلى.