باسەكەلەستىكتى قورعاۋ جانە دامىتۋ اگەنتتىگى باسەكەلەستىك دەڭگەيىن ايقىنداۋ جانە تاۋار نارىعىنا قولجەتىمدى ەتۋ كەزىندەگى كەدەرگىلەرىن جويۋعا باعىتتالعان شارالاردى ازىرلەۋ ماقساتىندا سىمدى (تىركەلگەن) ينتەرنەت قىزمەتتەرى نارىعىنداعى باسەكەلەستىكتىڭ جاي-كۇيىنە جوسپارلى تالداۋدى اياقتادى، دەپ حابارلايدى aqshamnews.kz
قازىرگى ۋاقىتتا سىمدى ينتەرنەت نارىعى جوعارى شوعىرلانعان، مۇندا جيىنتىق ۇستەم جاعدايعا «قازاقتەلەكوم» اق جانە «كار-تەل» ج ش س (Beeline) يە.
تالداۋ بارىسىندا اگەنتتىك قىزمەت كورسەتۋ كەزىندە بوگدە بايلانىس وپەراتورلارىنىڭ كوپپاتەرلى تۇرعىن ۇيلەرگە كىرۋىنە، سونداي-اق كابەلدىك كارىز جەلىلەرىنە قوسىلۋدىڭ تەحنيكالىق شارتتارى تۋرالى اقپارات الۋدى قيىنداتاتىن كەدەرگىلەردى انىقتادى.
- ەگەر بۇل كەدەرگىلەر شەشىلسە، تۇتىنۋشىلارعا ينتەرنەت قىزمەتتەرىنىڭ بالامالى وپەراتورىن ءوز بەتىنشە تاڭداۋعا مۇمكىندىك بەرەدى جانە كابەلدىك كارىز يەلەرىنەن وتەۋسىز نەگىزدە تەحنيكالىق اقپارات الا الادى.
سونداي-اق انىقتالعان كەدەرگىلەردى جويۋ بويىنشا ءتيىستى ۇسىنىستار ۋاكىلەتتى مەملەكەتتىك ورگاندارعا جىبەرىلدى، - دەپ جازدى اگەنتتىكتەن.
تالداۋ اياسىندا بايلانىس وپەراتورلارىنىڭ ينتەرنەت قىزمەتتەرىنە باعاسىنىڭ ديناميكاسى دا زەرتتەلدى. «قازاقتەلەكوم» اق-نىڭ ىس-ارەكەتتەرىندە تاۋارعا مونوپوليالىق جوعارى باعا بەلگىلەۋ بەلگىلەرى انىقتالدى. وسىعان بايلانىستى اگەنتتىك باسەكەلەستىكتى قورعاۋ سالاسىنداعى زاڭنامانى بۇزۋشىلىقتاردى تەرگەپ-تەكسەرۋ ءراسىمىن باستادى.