قازاقستاندا تاعى قانداي ەتنوستار تۇرادى؟
2021 جىلعى ساناق قورىتىندىسى بويىنشا قازاقتار سانى 13،4 ملن ادامدى قۇرادى، دەپ حابارلايدى Almaty-akshamy.kz.
2009 جىلدان بەرگى ءوسىم – 33،7% (10 ملن – 2009 ج.)، جالپى حالىق سانىنداعى قازاقتاردىڭ ۇلەسى 63،1%-دان 70،4%-عا دەيىن وسكەنىن حابارلاعان بولاتىنبىز.
سونداي-اق، سانى كوپ ۇلتتار قاتارىنا ورىستار – 2،9 ملن ادام، وزبەكتەر – 614 مىڭ ادام، ۋكرايندار – 387 مىڭ ادام جانە ۇيعىرلار – 290 مىڭ ادام كىردى.
ساناق قورىتىندىسى بويىنشا ەلىمىزدەگى ەتنوستار سانى 124ء-تى قۇرادى. ولاردىڭ اراسىندا ليۆتەر، ۆەپسىلەر، وروچتار، دولگاندار، دانيالىقتار، ۋدەگەيلەر، ساحۋرلار، مانسىلار، نانايلار، موڭعولدار، سەلكۋپتەر، چۋكچالار، ۋلتا، نيۆحتەر، يجورلار، كەتتەر، كورياكتار، قىرىمشاقتار، نگاناساندار، ساامدار، چۋۆاندار بار.
ايتا كەتەيىك، 2021 جىلعى ساناق راۋندىنىڭ ساۋالنامالارىنا ۇلتتى «كورسەتپەۋ» جاۋاپ نۇسقاسى قوسىلعان. وسىلايشا، 24،8 مىڭ ادام ءوز ۇلتىن كورسەتۋدەن باس تارتقان. سونداي-اق 2021 جىلى ساناق كەزىندە «باسقا ۇلت» جاۋابىن تاڭداعاندار 47،5 مىڭ ادامدى قۇرادى، ال 2009 جىلى مۇنداي ادامداردىڭ 8ء-ى بولعان.