«مەن تۇسىنبەيمىن» قىسقامەتراجدى فيلمىنە حالىقارالىق كينوفەستيۆالدىڭ باس جۇلدەسى بەرىلدى
قازاقستاندىق رەجيسسەر كاميلا نورۋسوۆانىڭ «مەن تۇسىنبەيمىن» قىسقامەتراجدى ءفيلمى كورەيانىڭ Yechon قالاسىندا وتكەن حالىقارالىق كينوفەستيۆالدىڭ باس جۇلدەسىن جەڭىپ الدى، دەپ حابارلايدى Almaty-akshamy.kz
10 مينۋتتىق تۋىندىدا ينتەرناسيونالدىق وتباسىنىڭ ءومىرى سيپاتتالادى. سيۋجەت بويىنشا، كورەي ازاماتى مەن ونىڭ قازاقستاننان كەلگەن ايەلى ءبىر-بىرىنىڭ ءتىلىن تۇسىنبەيدى. ءبىر كۇنى جاس جۇبايلار اۋدارما جاسايتىن قۇلاققاپ ساتىپ الادى. فيلمدەگى باستى رولدەردى قازاقستاندىق ستۋدەنت ايدا ازات پەن وڭتۇستىككورەيالىق يم دجون مۋك سومداعان.
ايتا كەتەيىك، كاميلا نورۋسوۆا – تالعار قالاسىنىڭ تۋماسى. 4 جىلدان بەرى وڭتۇستىك كورەيادا تۇرادى.
جالپى بايقاۋعا 11 ەلدەن 948 فيلم قاتىسقان. بارلىعى ۇيالى تەلەفونعا تۇسىرىلگەن.
«فەستيۆالدەن كەيىن كوپتەگەن رەجيسسەر بىرلەسكەن جوبا جاساۋدى ۇسىنىپ وتىر. مەن 2 ەلدە جۇمىس ىستەۋدى قالايمىن. ماعان قازاقستاننىڭ تابيعاتى ۇنايدى. ەلگە بارىپ فيلم تۇسىرگىم كەلەدى»، - دەيدى كاميلا نورۋسوۆا.