150 وقىتۋشىسى جەڭىمپاز اتاندى.
«2022 جىلعى جوعارى وقۋ ورنىنىڭ ۇزدىك وقىتۋشىسى» كونكۋرسى جەڭىمپازدارىنىڭ ەسىمدەرى بەلگىلى بولدى. قازاقستاندىق 43 جوو-نىڭ 150 وقىتۋشىسى جەڭىمپاز اتاندى، دەپ حابارلايدى Almaty-akshamy.kz قازاقپاراتقا سىلتەمە جاساپ. .
جەڭىسكە جەتكەن وقىتۋشىلار 2000 اەك كولەمىندە سىياقى الاتىن بولادى، بۇل شامامەن التى ملن تەڭگەنى قۇرايدى. اقشالاي ىنتالاندىرۋدان باسقا «2022 جىلعى جوعارى وقۋ ورنىنىڭ ۇزدىك وقىتۋشىسى» كونكۋرسىنىڭ جەڭىمپازدارى توسبەلگىگە يە بولادى.
كونكۋرس جىل سايىن وقىتۋشى كاسىبىنىڭ بەدەلىن ارتتىرۋ جانە ولاردى ودان ءارى كاسىبي دامىتۋعا ىنتالاندىرۋ ماقساتىندا وتكىزىلەدى.
«كونكۋرسقا ەلىمىزدىڭ 71 جوعارى وقۋ ورنىنان بارلىعى 775 ۇمىتكەر قاتىستى. كونكۋرستا ەلەكتروندى وقۋ رەسۋرستارىن، وقۋ ماتەريالدارىن ازىرلەۋ جانە جاريالاۋ، وتاندىق جانە حالىقارالىق جۋرنالدارداعى عىلىمي جاريالانىمدار، ونەرتابىسقا پاتەنتتەردىڭ بولۋى جانە ت.ب. سياقتى كورسەتكىشتەر، سونداي - اق ۇمىتكەردىڭ وقىتۋ ساپاسى، ونىڭ باكالاۆرياتتا، ماگيستراتۋرادا جانە دوكتورانتۋرادا كادرلار دايارلاۋ جونىندەگى ەڭبەگى باعالاندى»، - دەدى عىلىم جانە جوعارى ءبىلىم ۆيسە-مينيسترى قۋانىش ەرعالييەۆ.
ايتا كەتەيىك، كونكۋرس ق ر عجبم اقپاراتتىق جۇيەسىنىڭ بازاسىندا ءوتتى، ونىڭ كومەگىمەن قاتىسۋشىلار بارلىق كەزەڭدەردىڭ اشىقتىعىن باقىلاي الدى. «2022 جىلعى جوعارى وقۋ ورنىنىڭ ۇزدىك وقىتۋشىسى» كونكۋرسىنا قاتىسۋ ءۇشىن وتىنىمدەر مەن قۇجاتتار دا ەلەكتروندىق فورماتتا قابىلداندى. بۇل كونكۋرستى وتكىزۋدىڭ اشىقتىعىن قامتاماسىز ەتتى. سونداي-اق، كوميسسيا قۇرامىنا ۇەۇ، جوو قاۋىمداستىقتارىنىڭ وكىلدەرى جانە ءبىلىم بەرۋ سالاسىنداعى ساراپشىلار ەنگىزىلدى.