بۇل تۋرالى كوشى-قون جانە قىلمىستىق-اتقارۋ جۇيەسى سالالارىنداعى زاڭنامانى جەتىلدىرۋ ماسەلەلەرى تالقىلانعان سەنات وتىرىسىندا ق ر ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى ءاقمادي سارباسوۆ ايتتى، دەپ حابارلايدى اlmaty-akshamy.kz.
سولتۇستىك ايماقتاردا حالىقتىڭ ازايۋى بايقالادى. سوڭعى جىلدى ايتساق، سولتۇستىكتەگى سەگىز ايماقتان شەتەلگە 170 مىڭ ادام كوشىپ كەتتى. مۇنىڭ بىرنەشە سەبەبى بار. بۇل ەتنومادەني سەبەپتەر، وسى ايماقتاردىڭ الەۋمەتتىك-ەكونوميكالىق دامۋىنا بايلانىستى ماسەلەلەر، - دەدى ول.
ءاقمادي سارباسوۆ وڭتۇستىكتەن سولتۇستىككە قونىس اۋدارۋشىلارعا ارنالعان باعدارلامالار جونىندە ايتتى.
ءبىر باعدارلاما بويىنشا وسى جىلدار وڭتۇستىك وبلىستاردان سولتۇستىك وڭىرلەرگە 59 مىڭ ادام كوشىپ كەلدى. وعان قوسا، جاستارعا ارنالعان جوسپارلار بار. ول – جاڭا "سەرپىن". قازىرگى كەزدە دە "ديپلوممەن اۋىلعا"، "اۋىل اماناتى" بار. انا مەن بالا دەگەن جوسپارلار قابىلداندى. قازىرگى كەزدە قونىس اۋدارۋشىلارعا جيىرمادان اسا مەملەكەتتىك قىزمەت شارالار كورسەتىلەدى، - دەدى ول.
ۆيسە-مينيستر وسى ءىس-شارالاردىڭ ارقاسىندا قونىس اۋدارعان حالىقتىڭ 40 پايىزى تولىقتىرىلعانىن ايتتى.