تاۋار اينالىمىنىڭ باسىم بولىگىن يمپورت قۇراعان.
وسى جىلدىڭ توعىز ايلارىندا قازاقستاننىڭ رەسەيمەن تاۋار اينالىمى 18،4 ملرد دوللاردى قۇرادى. بۇل بىلتىرعىعا قاراعاندا 5%-عا كوپ، دەپ حابارلايدى Almaty-akshamy.kz Inbusiness.kz سايتىنا سىلتەمە جاساپ.
تاۋار اينالىمىنىڭ باسىم بولىگىن يمپورت قۇرادى (67،8%). جىل باسىنان بەرى قازاقستان رەسەي فەدەراسياسىنان 12،4 ملرد دوللارعا تاۋار اكەلدى. بۇل وتكەن جىلمەن سالىستىرعاندا 0،8%-عا ارتىق.
ەلىمىزدەن رەسەيگە ەكسپورت كولەمى تاۋار اينالىمىنىڭ 32،2%-ىن قۇرادى. بۇل 5،9 ملرد دوللار، جىلدىق ءوسىم - 15،1%.
ق ر جيىنتىق تاۋار اينالىمى قۇرىلىمىنداعى رەسەيدىڭ ۇلەسى - 18،7%، يمپورت قۇرىلىمىندا - 36%، ەكسپورت - 9،3%.
ەلىمىزدەن رەسەيگە جىبەرىلەتىن تانىمال ەكسپورت تاۋارلارى - مەتالدار مەن ولاردان جاسالعان بۇيىمدار (1،5 ملرد دوللار)، مينەرالدى ونىمدەر (1،4 ملرد دوللار)، حيميا ونەركاسىبىنىڭ ونىمدەرى (1،3 ملرد دوللار)، ماشينالار، اپپاراتتار مەن جابدىقتار (1،2 ملرد دوللار)، اوك ونىمدەرى مەن ازىق-تۇلىك تاۋارلارى (349،5 ملن دوللار).
رەسەي فەدەراسياسىنان ەلىمىزگە ماشينالار مەن جابدىقتار (2،5 ملرد دوللار)، مەتالدار جانە ولاردان جاسالعان بۇيىمدار (2،3 ملرد دوللار)، اوك ونىمدەرى جانە ازىق-تۇلىك تاۋارلارى (2،2 ملرد دوللار)، حيميا ونەركاسىبىنىڭ ونىمدەرى (2،1 ملرد دوللار) جانە مينەرالدى ونىمدەر (1،5 ملرد دوللار) جەتكىزىلدى.
وسى جىلدىڭ 1 شىلدەسىنە قاراي قازاقستان رەزيدەنتتەرىنىڭ رەسەيدەن كەلگەن ينۆەستورلار الدىنداعى مىندەتتەمەلەرىنىڭ كولەمى ءبىر جىلدا 70،5%-عا، 22،4 ملرد دوللارعا دەيىن ۇلعايدى.
ينۆەستيسيانىڭ باسىم بولىگى وڭدەۋ ونەركاسىبىنە تيەسىلى (6،9 ملرد دوللار).
بەستىك قاتارىندا قارجى جانە ساقتاندىرۋ قىزمەتى سالالارى، ساۋدا جانە اۆتوجوندەۋ، تاۋ-كەن ونەركاسىبى، سونداي-اق كاسىبي، عىلىمي جانە تەحنيكالىق قىزمەت كىردى.
ءبىرىنشى جارتىجىلدىقتا رەسەيدەن قازاقستانعا تارتىلعان تىكەلەي ينۆەستيسيا كولەمى 938 ملن دوللاردى قۇرادى. بۇل بىلتىرعىعا قاراعاندا 30%-عا كوپ.