بۇل سۇراقتىڭ جاۋابىن ق ر قارجى ۆيسە-مينيسترى داۋرەن تەمىربەكوۆ ايتتى.
قارجى مينيسترلىگى قازاقستاننىڭ مەملەكەتتىك قارىزىنىڭ كولەمىن جاريالادى، دەپ حابارلايدى Almaty-akshamy.kz
ق ر قارجى ۆيسە-مينيسترى داۋرەن تەمىربەكوۆ ماجىلىستە قازاقستاننىڭ مەملەكەتتىك قارىزىنىڭ كولەمىن جاريالادى.
بۇل تۋرالى ول ۇكىمەتتىڭ 2023 جىلعا ارنالعان رەسپۋبليكالىق بيۋدجەتتىڭ اتقارىلۋى تۋرالى ەسەبىن تانىستىرۋ بارىسىندا ايتتى.
"2024 جىلعى 1 قاڭتارداعى جاعداي بويىنشا مەملەكەتتىك قارىز 27،2 تريلليون تەڭگەنى نەمەسە ءجىو-نىڭ 22،8 پايىزىن قۇرادى، ونىڭ ىشىندە مەملەكەتتىك قارىز ءجىو-نىڭ 20،9 پايىزىن نەمەسە 24،9 تريلليون تەڭگەنى قۇرادى"، - دەدى قارجى ۆيسە-مينيسترى داۋرەن تەمىربەكوۆ.
ونىڭ ايتۋىنشا، ەاەو-عا مۇشە ەلدەر ءۇشىن مەملەكەتتىك قارىزدىڭ جوعارعى شەگى ءجىو-نىڭ 50 پايىزىنان اسپايتىن مولشەردە بەلگىلەنگەن. قازىرگى ۋاقىتتا مەملەكەتتىك قارجىنى باسقارۋ تۇجىرىمداماسىندا بەلگىلەنگەن بورىش كورسەتكىشتەرى قولايلى شەكتەردە.
"2024-2028 جىلدارعا ارنالعان بولجامدار بۇل جىلدارداعى مەملەكەتتىك قارىز شەكتى دەڭگەيدەن اسپايتىنىن جانە ءجىو-نىڭ 25 پايىزىن، ال مەملەكەتتىك قارىزدىڭ ءجىو-نىڭ 21 پايىزىن قۇرايتىنىن كورسەتىپ وتىر"، - دەپ سەندىردى داۋرەن تەمىربەكوۆ.
15 مامىردا ءماجىلىس دەپۋتاتتارى ۇكىمەت پەن جوعارعى ەسەپ پالاتاسىنىڭ 2023 جىلعا ارنالعان رەسپۋبليكالىق بيۋدجەتتىڭ اتقارىلۋى تۋرالى ەسەبىن قابىلدادى. بۇدان كەيىن ءماجىلىستىڭ قارجى جانە بيۋدجەت كوميتەتىنىڭ حاتشىسى تاتيانا ساۆەليەۆا وتكەن جىلدىڭ سوڭىندا رەسپۋبليكالىق بيۋدجەت تاپشىلىعى 3،1 تريلليون تەڭگەنى نەمەسە جالپى ىشكى ءونىمنىڭ 2،6 پايىزىن قۇراعانىن مالىمدەدى.