پرەمەر-مينيستر ولجاس بەكتەنوۆ ۇكىمەت وتىرىسىندا مەملەكەت باسشىسىنىڭ ينفلياسيانى تومەندەتۋ بويىنشا العا قويعان مىندەتى اياسىندا ءوڭىر باسشىلارىنىڭ نازارىن وسى باعىتتاعى جۇمىستى كۇشەيتۋ قاجەتتىگىنە اۋداردى، - دەپ حابارلايدى aqshamnews.kz ءتىلشىسى.
كەيىنگى ەكى ايدا ينفلياسيا دەڭگەيى 12،4%-عا دەيىن تومەندەگەنىن، الايدا، كەيبىر وڭىرلەردە، اتاپ ايتقاندا، ۇلىتاۋ، اقمولا جانە اتىراۋ وبلىستارىندا كەرىسىنشە، وسكەنى بايقالادى. باستى سەبەپ – ازىق-تۇلىك باعاسىنىڭ قىمباتتاۋى بولىپ وتىر.
"ءوڭىر اكىمدەرىندە ازىق-تۇلىك تاۋارلارىنىڭ باعاسىن تۇراقتاندىرۋ ءۇشىن جەتكىلىكتى قۇرالدار بار. تەك وسى باعىتتاعى جۇمىستى كۇشەيتۋ كەرەك"، – دەپ اتاپ ءوتتى پرەمەر-مينيستر.
جالپى، ينفلياسيالىق پروسەستەردى تومەندەتۋ ءۇشىن 2026-2028 جىلدارعا ارنالعان ماكروەكونوميكالىق تۇراقتاندىرۋ جانە حالىقتىڭ ءال-اۋقاتىن ارتتىرۋ جونىندەگى بىرلەسكەن ءىس-قيمىل باعدارلاماسىن جۇزەگە اسىرۋ بارىسىن باقىلاۋدا ۇستاۋ قاجەت.