قازاقستاننىڭ كوپ بولىگىندە قاتتى اياز بولادى

اركتيكالىق سۋىق.

«قازگيدرومەت» ماماندارى 10-12 قاڭتار كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.

سۋىق اركتيكالىق اۋامەن تولتىرىلعان سولتۇستىك انتيسيكلونى قازاقستان اۋماعى ارقىلى وڭتۇستىك وڭىرلەرگە قاراي جىلجۋىن جالعاستىرۋدا. وسىمەن بايلانىستى قاتتى اياز ەلىمىزدىڭ كوپ بولىگىندە ساقتالادى.

«وڭتۇستىك پەن وڭتۇستىك-شىعىستىڭ تاۋلى ايماقتارىندا قاتتى قار جاۋادى دەپ كۇتىلۋدە. اۋا تەمپەراتۋراسى باتىستا تۇندە 27-35، كۇندىز 15-25 اياز، رەسپۋبليكانىڭ وڭتۇستىك-باتىسىندا تۇندە 12-23، كۇندىز 5-15 اياز، سولتۇستىك-باتىستا جانە سولتۇستىكتە تۇندە 32-40 ايازدان 20-30 ايازعا دەيىن، كۇندىز 27-35 ايازدان 13-22-ايازعا دەيىن، ورتالىقتا نەگىزگى فون تۇندە 35-40، ءوڭىردىڭ وڭتۇستىگىندە 25-30 اياز، كۇندىز 20-30 ايازدان 15-26 ايازعا دەيىن، شىعىستا اۋا تەمپەراتۋراسى تۇندە 20-33 ايازدان 30-43 ايازعا دەيىن، كۇندىز 15-23 ايازدان 23-33 ايازعا دەيىن، وڭتۇستىكتە، وڭتۇستىك-شىعىستا تۇندە 10-20 ايازدان 20-31 ايازعا دەيىن، كۇندىز 8-16 ايازدان 12-23 ايازعا دەيىن تومەندەۋى كۇتىلەدى»، - دەلىنگەن سينوپتيكتەردىڭ حابارلاماسىندا.