يمپورتتا بيداي مەن مەسلين بويىنشا ءوسىم بايقالادى.
2022 جىلعى قاڭتار-قاراشادا قازاقستاننىڭ ەاەو ەلدەرىمەن ءوزارا ساۋداسى 25 585،9 ملن اقش دوللارىن قۇراپ، وتكەن جىلدىڭ سايكەس كەزەڭىمەن سالىستىرعاندا، نومينالدى ماندە 7،1%-عا كوبەيدى، دەپ حابارلايدى Almaty-akshamy.kz.
ۇلتتىق ستاتبيۋرونىڭ مالىمەتىنشە، بىلتىر قاڭتار-قاراشادا تاۋار ەكسپورتى 8 632،8 ملن اقش دوللارى (22،3% كوپ)، يمپورت – 16 953،1 ملن اقش دوللارى (0،7% كوپ) دەڭگەيىندە قالىپتاسقان.
قازاقستان رەسپۋبليكاسىنىڭ ەاەو ەلدەرىمەن سىرتقى ساۋدا اينالىمىنىڭ جالپى كولەمىندە رەسەي فەدەراسياسىنا 92،3%، قىرعىزستان رەسپۋبليكاسىنا 4%، بەلارۋس رەسپۋبليكاسىنا 3،6%، ارمەنيا رەسپۋبليكاسىنا 0،1%-دان كەلەدى.
ەاەو ەلدەرىمەن ەكسپورت بويىنشا، وتكەن جىلدىڭ سايكەس كەزەڭىمەن سالىستىرعاندا، راديواكتيۆتى حيميا ەلەمەنتتەرى بويىنشا 2،1 ەسە ءوسىم بايقالادى.
بۇل رەتتە كۇيدىرىلگەن ءپيريتتى قوسا العاندا، تەمىر كەنى مەن كونسەنتراتى بويىنشا تومەندەۋ بايقالادى (77،2% از).
يمپورتتا بيداي مەن مەسلين بويىنشا ءوسىم بايقالادى – 1،7 ەسە. بۇل رەتتە جەڭىل اۆتوموبيل جانە وزگە دە موتورلى كولىك قۇرالدارى بويىنشا كورسەتكىش تومەندەگەن (76،2% از).