2022 جىلعى قاڭتار-تامىزداعى تاۋارلار ەكسپورتى 5 496،5 ملن اقش دوللار بولدى
2022 جىلعى قاڭتار-تامىزداعى قازاقستان رەسپۋبليكاسىنىڭ ەاەو ەلدەرىمەن ءوزارا ساۋداسى 17 280،7 ملن اقش دوللارىن قۇراپ، وتكەن جىلدىڭ سايكەس كەزەڭىمەن سالىستىرعاندا نومينالدى ماندە 4،5% كوبەيدى. بۇل تۋرالى Almaty-akshamy.kz ۇلتتىق ستاتيستيكا بيۋروسىنا سىلتەمە جاساپ حابارلايدى.
2022 جىلعى قاڭتار-تامىزداعى تاۋارلار ەكسپورتى 5 496،5 ملن. اقش دوللارى (8% كوپ)، يمپورت – 11 784،2 ملن اقش دوللارى (2،9% كوپ)دەڭگەيىندە قالىپتاستى.
قازاقستان رەسپۋبليكاسىنىڭ ەاەو ەلدەرىمەن سىرتقى ساۋدا اينالىمىنىڭ جالپى كولەمىندە رەسەي فەدەراسياسىنا – 92،5%، بۇدان ءارى قىرعىزستان رەسپۋبليكاسىنا – 4%، بەلارۋس رەسپۋبليكاسىنا – 3،4%، ارمەنيا رەسپۋبليكاسىنا – 0،1% كەلەدى.
ەاەو ەلدەرىمەن ەكسپورت بويىنشا وتكەن جىلدىڭ سايكەس كەزەڭىمەن سالىستىرعاندا حيميالىق ەلەمەنتتەر بويىنشا 2 ەسە ءوسىم بايقالادى. بۇل رەتتە كۇيدىرىلگەن ءپيريتتى قوسا العاندا، تەمىر كەندەرى مەن كونسەنتراتتارى بويىنشا تومەندەۋ بايقالادى (73،6% از).
يمپورتتا قارا مەتالداردان جاسالعان دوڭگەلەك قيماسى بار وزگە دە قۇبىرلار مەن تۇتىكتەر بويىنشا ءوسىم بايقالادى – 4 ەسە. بۇل رەتتە جەڭىل اۆتوموبيلدەر جانە وزگە دە موتورلى كولىك قۇرالدارى بويىنشا تومەندەۋ بايقالادى (69،6% از).