قازاقستاننىڭ دوپتى حوككەيشىلەرى ەۋروپانىڭ ۇزدىگى اتاندى

قۇرلىق بىرىنشىلىگى براتيسلاۆا قالاسىندا ءوتتى.

جەرلەستەرىمىز توپتىق كەزەڭدە قاتارىنان بەس ويىندا جەڭىسكە جەتىپ، جارتىلاي فينالدا ۋكراينانى تىزە بۇكتىردى. ال اقتىق ماچتا ايدىن يەلەرىن 9:1 ەسەبىمەن ويسىراتا ۇتتى. ۇلتتىق قۇرامانىڭ دەنى ورالدىڭ «اقجايىق» دوپتى حوككەي كومانداسىنىڭ تۇلەكتەرىنەن جاساقتالدى. جەرگىلىكتى جانكۇيەرلەر داڭقتى جەرلەستەرىن اۋەجايدا زور قوشەمەتپەن كۇتىپ الدى. ايتا كەتۋ كەرەك، قازاق بەنديشىلەرى ەۋروپا چەمپيوناتىنا العاش رەت قاتىسىپ، بىردەن جەڭىس تۇعىرىنان كورىندى.

«وتە قىزىقتى، تارتىستى ويىندار ءوتتى. جەڭىل بولدى دەپ ايتا المايمىن ەندى. جەڭىسپەن كەلىپ وتىرمىز. سلوۆاكيانىڭ ءوزى مىقتى، شۆەيساريا. سونداي ماقساتپەن باردىق قوي. ءبىرىنشى ورىندى ۇتامىز دەگەن ماقساتپەن باردىق، جەڭىل بولعان جوق»، - دەيدى ۇلتتىق قۇراما كوماندانىڭ قاقپاشىسى بەرجان احمەتجانوۆ.

«ەۋروپا چەمپيوناتى جىلدا تامىز ايىندا وتەدى. ول كەزدە بىزدە ماۋسىم ءالى باستالماعاندىقتان بۇرىن قاتىسپاۋشى ەدىك. بيىل ءبىرىنشى رەت باردىق. ەكى جۇما ەرتە دايىندىقتى باستادىق. چەمپيونات ەكى كۇندە ءوتتى. ءبىر كۇندە 4 كەزدەسۋ بولدى. وڭاي ەمەس ارينە. جىگىتتەرگە ريزامىن. جاقسى ويىن كورسەتتى. ەندى الدا قازاقستان كۋبوگى. ودان كەيىن رەسەيدىڭ اشىق بىرىنشىلىگى. ال ناۋرىز ايىندا شۆەسياداعى الەم چەمپيوناتىنا قاتىسامىز»، - دەيدى دوپتى حوككەيدەن ۇلتتىق قۇراما كوماندانىڭ اعا جاتتىقتىرۋشىسى نيكولاي شاۆالدين.