قازاقستاننىڭ دامۋ بانكى ءتوراعاسى تاعايىندالدى

رۋسلان ىسقاقوۆ قازاقستاننىڭ دامۋ بانكىن باسقارادى

«بايتەرەك» حولدينگىنىڭ باسقارما ءتوراعاسى قانات شارلاپايەۆ ۇجىمعا قدب-نىڭ جاڭا باسشىسىن تانىستىردى، دەپ حابارلايدى Almaty-akshamy.kz 

«بايتەرەك» ۇلتتىق باسقارۋشى حولدينگى» اق اكسيونەرىنىڭ شەشىمى بويىنشا رۋسلان ۆيكتوروۆيچ ىسقاقوۆ 16 اقپاننان باستاپ «قازاقستاننىڭ دامۋ بانكى» اق (قدب) باسقارما ءتوراعاسى جانە ديرەكتورلار كەڭەسىنىڭ مۇشەسى بولىپ سايلاندى. ول بۇعان دەيىن حولدينگتىڭ ەنشىلەس ۇيىمى – «KazakhExport» ەكسپورتتىق ساقتاندىرۋ كومپانياسى» اق-نى باسقاردى»، دەلىنگەن حابارلامادا.

«رۋسلان ۆيكتوروۆيچتىڭ قارجى ۇيىمدارىندا 18 جىلدان اسا جۇمىس تاجىريبەسى بار، التى جىل بويى كاzakhExport-تى باسقاردى جانە بۇگىننەن باستاپ قازاقستاننىڭ دامۋ بانكىنىڭ باسشىسى بولىپ تاعايىندالدى. ىس-ارەكەتتەگى مەريتوكراتيا قاعيداتى تۋرالى ايتقىم كەلىپ وتىر: بانك نارىعىندا جانە ءبىزدىڭ حولدينگتە تابىستى جۇمىس ىستەگەن ادام ەندى ەڭ جوعارى پوزيسيالاردىڭ بىرىنە جەتتى. ونى قولداپ، بىرگە تابىستى جۇمىس ىستەيسىزدەر دەپ سەنەمىن»، - دەدى ق.شارلاپايەۆ قدب ۇجىمىنا ارناعان سوزىندە.