«ەلدىڭ بولاشاعى سانالى شەشىمدەرگە بايلانىستى»: مۋزىكانت اياۋلىم قۇنانباي الماتىدا رەفەرەندۋمدا داۋىس بەردى
مۋزىكانت، ق ر مادەنيەت سالاسىنىڭ ۇزدىگى اياۋلىم قۇنانباي قازاقستاندا اتوم ەلەكتر ستانسياسىنىڭ (اەس) سالۋ جونىندەگى رەفەرەندۋمعا قاتىستى. ارتيست زەردەلi شاعىن اۋدانىنداعى №182 مەكتەپتە ورنالاسقان №28 سايلاۋ ۋچاسكەسىنە بارىپ، داۋىس بەردى.
«قازاقستاننىڭ بولاشاعى ءار ازاماتتىڭ سانالى شەشىمىنە بايلانىستى»، - دەپ اياۋلىم قۇنانباي وسىنداي اۋقىمدى جانە ەل ءۇشىن ماڭىزدى ءىس-شارالاردا داۋىس بەرۋدىڭ ماڭىزدىلىعىن اتاپ ءوتتى.
«رەفەرەندۋمعا قاتىسۋ – بۇل مەنىڭ ەلىمىزدىڭ بولاشاعىنا قوسقان ۇلەسىم. مۇنداي ماسەلەلەر جاۋاپكەرشىلىكتى جانە ءبىزدىڭ تاڭداۋىمىز بالالارىمىز بەن نەمەرەلەرىمىزدىڭ ومىرىنە قالاي اسەر ەتەتىنىن ءتۇسىنۋدى تالاپ ەتەدى. ءاربىر داۋىستىڭ ماڭىزدى ەكەنىنە سەنىمدىمىن»، – دەدى ول.
ونەر يەسى بەلسەندى ازاماتتىق ۇستانىم ەلدىڭ دامۋىنا دەگەن ادالدىق پەن بولاشاق ۇرپاققا دەگەن قامقورلىقتىڭ كورىنىسى ەكەنىن ايتتى.
ەستەرىڭىزگە سالا كەتەيىك، بۇگىن قازاقستاندا اەس قۇرىلىسى ماسەلەسى بويىنشا رەفەرەندۋم ءوتىپ جاتىر. بارلىق ازامات سايلاۋ ۋچاسكەسىنە بارىپ، ساعات 20:00-گە دەيىن ءوز تاڭداۋىن جاساي الادى.