قازاقستاننىڭ ءبىرىنشى، الەمنىڭ 11-راكەتكاسى الەكساندر بۋبليك جىلدى ءساتتى قورىتىندىلادى. ATP رەسمي سايتىندا قازاقستاندىق تەننيسشىنىڭ بيىلعى ماۋسىمدا قانشا تابىس تاپقانى جاريا ەتىلدى.
بۋبليك 2025 جىلى 2 ملن 905،991 اقش دوللارى (1،5 ملرد تەڭگە) كولەمىندە تابىس تاپقان. بۇل – بۋبليك ءۇشىن رەكورد كورسەتكىش.
قازاقستاندىق تەننيسشىنىڭ سپورتتىق جولىنداعى بارلىق تابىسى 10 ملن 646،354 مىڭ دوللارعا (5،5 ملرد) دوللارعا جەتتى.
بۋبليك ATP تۋرنيرلەرىندە سەگىز تيتۋل جەڭىپ السا، سونىڭ تورتەۋى بيىلعى جىلدىڭ ۇلەسىنە تيەدى.
سونىمەن قاتار، الەكساندر بۋبليك الەمدىك رەيتينگىدە 11-ورنىن ساقتاپ قالدى. بۇل دا ول ءۇشىن ۇزدىك ناتيجە بولىپ ەسەپتەلەدى.
ەرلەر اراسىندا 2025 جىلى تابىس تابۋ جونىنەن الەمنىڭ 2-راكەتكاسى، «ۇلكەن دۋلىعا» ءتۋرنيرىنىڭ ءتورت دۇركىن چەمپيونى، يتاليالىق ياننيك سيننەر 19 ملن 120،641 مىڭ اقش دوللارىمەن كوش باستاپ تۇر.
الەمنىڭ 1-راكەتكاسى، «ۇلكەن دۋلىعا» جارىسىندا التى رەت ۇزدىك شىققان يسپانيالىق كارلوس الكاراس (18 ملن 803، 427 مىڭ دوللار) ەكىنشى، گەرمانيالىق الەكساندر زۆەريەۆ (6 ملن 060،174 مىڭ دوللار) ءۇشىنشى ساتىدا.