سينوپتيكتەر جىلى قوڭىر كۇز جالعاسىن تاباتىنىن بولجاپ وتىر.
«قازگيدرومەت» ماماندارى 22-24 قىركۇيەك كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
«جىلى قوڭىر كۇز قازاقستان تۇرعىندارىن ءالى دە قۋانتادى. ەلىمىزدىڭ باسىم بولىگىندە قۇرعاق جانە شۋاقتى اۋا رايى ساقتالادى، تەك رەسپۋبليكانىڭ باتىس وڭىرلەرى مەن وڭتۇستىك-شىعىسىنداعى تاۋ بوكتەرىندەگى اۋداندارىندا اتموسفەرالىق فرونتالدى بولىكتەردىڭ اسەرىنەن وتكىنشى جاڭبىر جاۋىپ، نايزاعاي كۇتىلەدى جانە جەل كۇشەيەدى»،- دەلىنگەن مامانداردىڭ بولجامىندا.
تۇنگى ۋاقىتتا اۋا تەمپەراتۋراسى ءالى دە سالقىن بولعانىمەن، تەرمومەتر باعاندارى كۇندىزگى ۋاقىتتا بۇكىل قازاقستان بويىنشا 20-34 گرادۋس شەگىندە ساقتالادى جانە تەك ەلىمىزدىڭ باتىسىندا عانا اۋا تەمپەراتۋراسىنىڭ ازداعان تومەندەۋى بولجانادى.