كەي وڭىرلەردە قاتتى جاڭبىر جاۋىپ، جەل كۇشەيەدى.
سينوپتيك ماماندار الداعى كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
«ەلىمىزدىڭ سولتۇستىك جارتىسىندا اۋا تەمپەراتۋراسىنىڭ تومەندەۋىنە الىپ كەلگەن سۋىق سولتۇستىك-باتىس انتيسيكلونى، شىعىس باعىتقا اۋىسىپ، قاراعاندى جانە شىعىس قازاقستان وبلىستارىنىڭ سولتۇستىك وڭىرلەرىندە توپىراق بەتىندە تۇنگى ۇسىك ءجۇرۋى مۇمكىن. ەلىمىزدىڭ باتىس وڭىرلەرىن، سونداي-اق اتموسفەرالىق فرونتتاردىڭ ىقپالىمەن 02-03 قىركۇيەكتە قاتتى جاڭبىر جاۋىپ، جەل كۇشەيەدى دەپ كۇتىلەتىن ەلدىڭ وڭتۇستىك-شىعىسىنداعى تاۋلى اۋدانداردى قوسپاعاندا، انتيسيكلوننىڭ ىقپالىمەن رەسپۋبليكانىڭ باسىم بولىگىندە جاۋىن-شاشىنسىز اۋا رايى ساقتالادى»، – دەلىنگەن «قازگيدرومەت» رمك حابارلاماسىندا.
مامانداردىڭ بولجامى بويىنشا، قازاقستاننىڭ باسىم بولىگىندە اۋا تەمپەراتۋراسىنىڭ كۇندىز 25-30-عا دەيىن، رەسپۋبليكانىڭ وڭتۇستىك جارتىسىندا 37 گرادۋسقا دەيىن بىرتىندەپ كوتەرىلۋى كۇتىلەدى. تەك ەلىمىزدىڭ باتىسىندا 17-25 جىلۋعا دەيىن تومەندەيدى دەپ كۇتىلۋدە.