قازاقستاننىڭ باسىم بولىگىندە اۋا رايى جاۋىن-شاشىنسىز بولادى

سولتۇستىك انتيسيكلوننىڭ اسەرى بولادى. 

«قازگيدرومەت» ماماندارى 1-3 قازان كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.

سولتۇستىك انتيسيكلون جوتاسى ىقپالىمەن قازاقستان اۋماعىنىڭ باسىم بولىگىندە اۋا رايى جاۋىن-شاشىنسىز، اشىق بولادى. تەك ەلىمىزدىڭ باتىس، وڭتۇستىك جانە وڭتۇستىك-شىعىس ايماقتارى فرونتتاردىڭ اسەرىندە بولادى، جاڭبىر جاۋادى، وڭتۇستىك-شىعىستىڭ تاۋلى جانە تاۋ بوكتەرىندەگى اۋداندارىندا جاۋىن-شاشىن (جاڭبىر، قار) كۇتىلەدى.

 «تۇنگى ۋاقىتتا رەسپۋبليكانىڭ وڭتۇستىگى مەن وڭتۇستىك-شىعىسىندا توپىراق بەتىندە 1-3 گرادۋس ۇسىك كۇتىلەدى. ەلدىڭ باتىسى مەن وڭتۇستىگىندە جەل كۇشەيۋى ىقتيمال»، - دەلىنگەن سينوپتيكتەردىڭ حابارلاماسىندا. 

جالپى، قازاقستان بويىنشا اۋا تەمپەراتۋراسىنىڭ جوعارىلاۋى مۇمكىن: كۇندىز ەلىمىزدىڭ باتىسىندا نەگىزگى فون 17-28 گرادۋس جىلى، سولتۇستىك-باتىستا 5-18 گرادۋس جىلىدان 8-23 گرادۋس جىلىعا دەيىن، سولتۇستىكتە 0-8 گرادۋس جىلىدان 2-11 گرادۋس جىلىعا دەيىن ازداعان جوعارىلاۋى بولجانادى، ورتالىقتا 3-15 گرادۋس جىلى، شىعىستا 0-8 گرادۋس جىلىدان 2-10 گرادۋس جىلىعا دەيىن ازداعان جوعارىلاۋى كۇتىلەدى، وڭتۇستىكتە نەگىزگى فون 10-22 گرادۋس جىلى،  وڭتۇستىك-شىعىستا 7-13، تاۋلى اۋدانداردا 2 گرادۋس جىلىدان 12-18 گرادۋس جىلى، تاۋلى اۋدانداردا 9 گرادۋس جىلىعا دەيىن جوعارىلاۋى كۇتىلەدى.