ەلىمىزدىڭ وڭتۇستىگىندە كوكتايعاق بولادى.
«قازگيدرومەت» ماماندارى 6-8 جەلتوقسان كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
«قازاقستاننىڭ باسىم بولىگى الداعى ءۇش تاۋلىكتە جوعارى قىسىم القابىنىڭ ىقپالىندا بولادى، وسىعان بايلانىستى اشىق، ايازدى، نەگىزىنەن جاۋىن-شاشىنسىز اۋا رايى بولادى. اتموسفەرالىق فرونتتاردىڭ اسەرىنەن تەك ەلىمىزدىڭ وڭتۇستىگىندە، وڭتۇستىك-شىعىسىندا قار، تۇمان، وڭتۇستىگىندە كوكتايعاق بولادى»،- دەلىنگەن سينوپتيكتەردىڭ حابارلاماسىندا.
تەمپەراتۋرالىق فوندا كۇرت وزگەرىستەر بولمايدى. 6 جەلتوقساننان 7 جەلتوقسانعا قاراعان ءتۇنى قاراعاندىدا،7 جەلتوقساننان 8 جەلتوقسانعا قاراعان ءتۇنى شىعىس قازاقستان وبلىستارىندا 35 گرادۋس ايازعا دەيىن بولادى دەپ بولجانىپ وتىر.