قازىرگى تاڭدا يادرولىق تەحنولوگيالاردىڭ كومەگىمەن ەكونوميكانىڭ بارلىق سەكتورلارى قارقىندى دامىپ كەلەدى.
ارگەنتينادا تۇراتىن حالىقارالىق ساراپشى مارسەلو سالۆاتورە وسىنداي پىكىر ءبىلدىرىپ، قازاقستاننىڭ اتوم ەنەرگەتيكاسىن دامىتۋداعى ماڭىزىن اتاپ ءوتتى، دەپ حابارلايدى aqshamnews.kz.
1956 جىلى ارگەنتينا لاتىن امەريكاسىندا العاش رەت ەلەكتر ستانسياسىن ىسكە قوسقان ەل بولدى. بۇگىنگى كۇنى ەلدىڭ ەنەرگەتيكالىق قاجەتتىلىگىنىڭ 6%ء-ىن قامتاماسىز ەتەتىن 3 اتوم ەلەكتر ستانسياسى جۇمىس ىستەپ تۇر. ارگەنتينا تەك ءوز قاجەتتىلىكتەرىن وتەپ قانا قويماي، يادرولىق سالاداعى مۇمكىندىكتەرىن جاھاندىق دەڭگەيدە كورسەتىپ وتىر.
مارسەلو سالۆاتورە، NAC International باس كەڭەسشىسى: "قازاقستاننىڭ يادرولىق وتىن سيكلىنە قوسقان ۇلەسى وراسان زور. بۇل سالانى دامىتۋ ارقىلى ەل ءوزىنىڭ رەسۋرستارىن تولىقتىرىپ، ەنەرگەتيكالىق تۇراقتىلىققا قول جەتكىزەدى. اتوم ەنەرگياسى ارگەنتينا ءۇشىن دە نەگىزگى باسىمدىق بولدى. ءبىز يادرولىق تەحنولوگيالاردى پايدالانۋ ارقىلى ەكونوميكانىڭ وزگە سالالارىنا جاڭا مۇمكىندىكتەر اشامىز دەپ سەندىك جانە سەنىمىمىزدى جالعاستىرۋدامىز. ەڭ باستىسى — بارىنشا كۇش سالىپ، جۇمىس ىستەپ، ءبىلىمدى ءتيىمدى پايدالانۋ. ارينە، ساق بولۋ قاجەت، ءبىراق قورقۋدىڭ قاجەتى جوق."
قازاقستان ءۇشىن اتوم ەنەرگەتيكاسىن دامىتۋ — جاڭا مۇمكىندىكتەردىڭ باستاۋى، تۇراقتى ءارى ءتيىمدى بولاشاققا قادام.