ق ر اسكەري عىلىم اكادەمياسىنىڭ قۇرىلعانىنا 10 جىل تولۋىنا وراي «قازاقستان رەسپۋبليكاسىنىڭ اسكەري عىلىمىن دامىتۋ: پروبلەمالارى مەن پەرسپەكتيۆالارى» تاقىرىبىندا عىلىمي-پراكتيكالىق كونفەرەنسيا ءوتتى، دەپ حابارلايدى Almaty-akshamy.kz.
عالىمدار فورۋمىنا قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ، پرەزيدەنت جانىنداعى ۇلتتىق عىلىم اكادەمياسىنىڭ، يندۋستريا جانە ينفراقۇرىلىمدىق دامۋ مينيسترلىگىنىڭ وكىلدەرى، ەۋرازيا ۇلتتىق ۋنيۆەرسيتەتىنىڭ پروفەسسورلىق-وقىتۋشىلار قۇرامى جانە قارۋلى كۇشتەردىڭ ارداگەرلەرى قاتىستى.
كونفەرەنسيانى اسكەري عىلىم اكادەمياسىنىڭ پرەزيدەنتى، زاپاستاعى پولكوۆنيك مۇحتار سەرىكپايەۆ اشتى. ول ءوز بايانداماسىندا اسكەري وقۋ ورىندارىندا جاسىنا قاراي ماگيستراتۋرا مەن دوكتورانتۋرادا وقىتۋ ماسەلەلەرىن كوتەردى. ونىڭ پىكىرىنشە، اسكەري عىلىمدى دامىتۋ جانە مەملەكەتتىڭ ۇلتتىق قاۋىپسىزدىگىن نىعايتۋ مۇددەسىندە قۇزىرەتتى ورتالىق قۇرۋ قاجەت.
ودان بولەك، پرەزيدەنت جانىنداعى ۇلتتىق عىلىم اكادەمياسىنىڭ ۆيسە-پرەزيدەنتى ءلاززات ەرالييەۆا، اسكەري عىلىم اكادەمياسىنىڭ ءبىرىنشى ۆيسە-پرەزيدەنتى وتستاۆكاداعى گەنەرال-لەيتەنانت بولات جاناسايەۆ، قورعانىس مينيسترلىگى اسكەري ءبىلىم جانە عىلىم دەپارتامەنتىنىڭ باستىعى، گەنەرال-مايور جۇمابەك احمەتوۆ، ۇقك شەكارا قىزمەتىنىڭ جاۋىنگەرلىك كەزەكشىلىك جانە سيتۋاسيالىق اقپاراتتاندىرۋ دەپارتامەنتىنىڭ باستىعى، پولكوۆنيك ناعمەت سادىقوۆ، مالىك عابدۋللين اتىنداعى ازاماتتىق قورعانىس اكادەمياسى باستىعىنىڭ وقۋ جۇمىسى جونىندەگى ورىنباسارى، پولكوۆنيك قۋانىشبەك كارمەنوۆ، ۇقۋ ۇلتتىق ۇلان فاكۋلتەتىنىڭ باستىعى، پولكوۆنيك ساۆەردين يميروۆ، ەۇۋ پروفەسسورى التاي ءالىمعازين، اباي مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ پروفەسسورى، زاپاستاعى پولكوۆنيك ساتىبالدى ءدىلمانوۆ بايانداما جاسادى.
«ق ر اسكەري عىلىم اكادەمياسى» رقب 2013 جىلى اسكەري عىلىم مەن عىلىمي مەكتەپتەردىڭ ساباقتاستىعىن دامىتۋ ماقساتىندا قۇرىلدى. اكادەميا عالىمدارى جوعارى ءبىلىم جانە عىلىم مينيسترلىگىنىڭ، قورعانىس مينيسترلىگىنىڭ، يندۋستريا جانە ينفراقۇرىلىمدىق دامۋ مينيسترلىگىنىڭ، سونداي-اق كۇشتىك قۇرىلىمداردىڭ مۇددەسى ءۇشىن گرانتتىق جانە باعدارلامالىق-ماقساتتى قارجىلاندىرۋ جوبالارىن ورىندايدى.
بىرلەستىك ءوزىنىڭ «ءاعا-حابارشىسى» دەگەن اتپەن عىلىمي جۋرنال شىعارادى. ونىڭ بەتتەرىندە ۇلتتىق قورعانىس ۋنيۆەرسيتەتىنىڭ ماگيسترانتتارى مەن دوكتورانتتارى، قازاقستان مەن تاياۋ شەت ەلدەردىڭ بەلگىلى عالىمدارى جاريالانادى. 2020 جىلى اكادەميا قۇرامىندا قاۋىپسىزدىك جانە ارنايى ءبىلىم بەرۋ باعدارلامالارى ينستيتۋتى قۇرىلدى. ونىڭ نەگىزىندە اۋماقتىق قورعانىس، جۇمىلدىرۋ دايىندىعى، كادرلىق جۇمىستى ۇيىمداستىرۋ جانە اكىمدىكتەردىڭ، مەملەكەتتىك ورگانداردىڭ جانە باسقا دا ۇيىمداردىڭ ماماندارىن اسكەري ەسەپكە الۋ كۋرستارى وتكىزىلەدى.
اتاۋلى كۇنگە وراي كونفەرەنسياعا قاتىسۋشىلار «ق ر اسكەري عىلىمدار اكادەمياسىنا 10 جىل» توسبەلگىسىمەن ماراپاتتالدى.