قازاقستاننىڭ كۇشتىك قۇرىلىمدارىنىڭ ارنايى بولىنىستەرى دۋبايدا ءوتىپ جاتقان "تhe UAE SWAT Challenge 2025" VI حالىقارالىق جارىستارىنا قاتىسۋدا.
تۋرنير 1-5 اقپان ارالىعىندا وتەدى. جارىستا الەمنىڭ تۇكپىر-تۇكپىرىنەن كەلگەن 100-دەن استام كوماندا ب ا ق سىناۋدا، دەپ حابارلايدى aqshamnews.kz.
قاتىسۋشىلار تاكتيكالىق جاتتىعۋلاردى ورىنداپ، كەدەرگىلەردى جەڭىپ، شابۋىلداۋ، جولداستارىن قۇتقارۋ جانە مۇنارالارعا كوتەرىلۋ سياقتى ءبىرقاتار قيىن تاپسىرمالاردى ەڭسەرۋى ءتيىس.
حالىقارالىق ارەنادا ەلىمىزدىڭ نامىسىن ىشكى ىستەر مينيسترلىگىنىڭ، قورعانىس مينيسترلىگىنىڭ، ۇلتتىق قاۋىپسىزدىك كوميتەتىنىڭ جانە مەملەكەتتىك كۇزەت قىزمەتىنىڭ كوماندالارى قورعاۋدا.
پوليسيا ۆەدومستۆوسىنان جارىسقا "سۇڭقار"، "ارلان"، "بۇركىت" جانە جىلدام قيمىلدايتىن ارنايى جاساعىنىڭ كوماندالارى قاتىسىپ جاتىر.
قازاقستان ءۇشىن جقاج-دان "توميريس" ايەلدەر كومانداسىنىڭ دەبيۋتى ەرەكشە ماڭىزعا يە. بۇل قازاقستاندىق ءتارتىپ ساقشىلارىنىڭ جوعارى دايىندىعىن كورسەتەدى.
ەكى كۇننىڭ قورىتىندىسى بويىنشا تۋرنير كەستەسىندە قىتايدان كەلگەن جاۋىنگەرلەر كوش باستاپ تۇر. ەكىنشى ورىندا ءىىم-نىڭ "سۇڭقار" كومانداسى، ال ءۇشىنشى ورىندا مكق-نىڭ "ساردار" كومانداسى.
- الدا تاعى دا ءبىرقاتار سىناقتار بار. جاۋىنگەرلەرىمىزگە جەڭىس تىلەيمىز! — دەپ اتاپ ءوتتى ءىىم.