ىستىق، جەل، نايزاعاي
سينوپتيكتەر قازاقستان رەسپۋبليكاسىنىڭ 13 وڭىرىندە اۋا رايىنا بايلانىستى ەسكەرتۋ جاريالادى، دەپ حابارلايدى Almaty-akshamy.kz «قازگيدرومەت» رمك باسپا ءسوز قىزمەتىنە سىلتەمە جاساپ.
23 شىلدە كۇندىز اقمولا وبلىسىنىڭ سولتۇستىگىندە، شىعىسىندا نايزاعاي وينايدى. سولتۇستىك-باتىستان جەل سوعادى، كۇندىز وبلىستىڭ سولتۇستىگىندە، شىعىسىندا ەكپىنى 15-20 م/س جەتەدى. كوكشەتاۋدا كۇندىز نايزاعاي وينايدى. تۇندە اقتوبە وبلىسىنىڭ وڭتۇستىگىندە، كۇندىز باتىسىندا، سولتۇستىگىندە، وڭتۇستىگىندە نايزاعاي وينايدى. شىعىستان، سولتۇستىك-شىعىستان جەل سوعادى، نايزاعاي كەزىندە ەكپىنى 15-20 م/س-كە جەتەدى. كۇندىز وبلىستىڭ وڭتۇستىگىندە 35 گرادۋس قاتتى ىستىق بولادى. اقتوبە قالاسىندا كۇندىز نايزاعاي وينايدى. شىعىستان، سولتۇستىك-شىعىستان جەل سوعادى، نايزاعاي كەزىندە ەكپىنى 15-20 م/س. الماتى وبلىسىنىڭ باسىم بولىگىندە جانە الماتى قالاسىنىڭ ماڭايىندا، جەتىسۋ وبلىسىندا توتەنشە ءورت ءقاۋپى بار. تۇندە باتىس قازاقستان وبلىسىنىڭ وڭتۇستىك-شىعىسىندا، كۇندىز باسىم بولىگىندە نايزاعاي، بۇرشاق، داۋىل كۇتىلەدى. جەل وڭتۇستىك-شىعىستان، شىعىستان سوعادى، كۇندىز نايزاعاي كەزىندە ەكپىنى 15-20 م/س-كە جەتۋى ىقتيمال. ورالدا كۇندىز نايزاعاي ويناپ، بۇرشاق جاۋادى. قوستاناي وبلىسىنىڭ سولتۇستىگىندە، شىعىسىندا نايزاعاي وينايدى. تۇندە جانە تاڭەرتەڭ وبلىستىڭ سولتۇستىگىندە تۇمان تۇسەدى. سولتۇستىك-باتىستان جەل سوعادى، كۇندىز وبلىستىڭ سولتۇستىگىندە، شىعىسىندا 15-20 م/س. وبلىستىڭ وڭتۇستىگىندە جوعارى ءورت ءقاۋپى بار. 23 شىلدەدە تاڭەرتەڭ جانە كۇندىز قىزىلوردا وبلىسىنىڭ سولتۇستىگىندە نايزاعاي وينايدى. كۇندىز وبلىس ورتالىعىندا شاڭدى داۋىل بولادى. جەل سولتۇستىك-شىعىستان سوعادى، وبلىستىڭ سولتۇستىگىندە، ورتالىعىندا كۇشى 15-20 م/س بولۋى مۇمكىن. توتەنشە ءورت ءقاۋپى بار. قىزىلوردا قالاسىندا 23 شىلدەدە كۇندىز 41-43 گرادۋس قاتتى ىستىق بولادى. توتەنشە ءورت ءقاۋپى بار. 23 شىلدەدە ماڭعىستاۋ وبلىسىنىڭ باتىسىندا، سولتۇستىگىندە نايزاعاي وينايدى. وبلىستىڭ باتىسىندا، سولتۇستىگىندە، ورتالىعىندا شاڭدى داۋىل سوعادى. جەل سولتۇستىك-شىعىستان، سولتۇستىكتەن سوعىپ، وبلىستىڭ باتىسىندا، سولتۇستىگىندە، ورتالىعىندا 15-20 م/س-كە جەتەدى. كۇندىز وبلىستىڭ باسىم بولىگىندە 42 گرادۋس اپتاپ ىستىق بولادى. وبلىستىڭ وڭتۇستىگىندە توتەنشە ءورت ءقاۋپى بار. اقتاۋدا 23 شىلدەدە تۇندە نايزاعاي وينايدى. شاڭدى داۋىل كۇتىلەدى. جەل سولتۇستىك-شىعىستان، سولتۇستىكتەن سوعىپ، ەكپىنى 15-20 م/س-كە جەتۋى مۇمكىن. 23 شىلدەدە كۇندىز پاۆلودار وبلىسىنىڭ سولتۇستىگىندە نايزاعاي وينايدى. باتىستان جەل سوعادى، نايزاعاي كەزىندە ەكپىنى 15-20 م/س-كە جەتەدى. 23 شىلدەدە سولتۇستىك قازاقستان وبلىسىنىڭ سولتۇستىگىندە، شىعىسىندا، وڭتۇستىگىندە نايزاعاي وينايدى، كۇندىز بۇرشاق، داۋىل كۇتىلەدى. تۇندە جانە تاڭەرتەڭ وبلىستىڭ سولتۇستىك-باتىسىندا تۇمان تۇسەدى. سولۇستىك-باتىستان، باتىستان جەل سوعادى، كۇندىز كۇشى 15-20 م/س-كە جەتەدى. پەتروپاۆلدا 23 شىلدەدە نايزاعاي وينايدى. سولۇستىك-باتىستان، باتىستان جەل سوعادى، كۇندىز كۇشى 15-20 م/س. 25 شىلدەدە كۇندىز تۇركىستان وبلىسىنىڭ سولتۇستىگىندە شاڭدى داۋىل بولادى. شىعىستان، وڭتۇستىك-شىعىستان جەل سوعادى، 23-24 شىلدەدە كۇندىز وبلىستىڭ تاۋلى ايماقتارىندا، 25 شىلدەدە سولتۇستىگىندە جانە تاۋلى اۋداندارىندا كۇشى 15-20 م/س-كە جەتەدى. وبلىستىڭ باسىم بولىگىندە توتەنشە ءورت ءقاۋپى بار. 23-25 شىلدەدە كۇندىز وبلىستىڭ باسىم بولىگىندە 40-42 گرادۋس قاتتى ىستىق بولادى. شىمكەنتتە 23-25 شىلدەدە كۇندىز 40-42 گرادۋس اپتاپ ىستىق بولۋى ىقتيمال.