قازاقستان قۇراما كومانداسى ەكى كۇمىس جانە 10 قولا مەدال جەڭىپ الدى.
قازاقستاننىڭ 12 وقۋشىسى 57ء-شى حالىقارالىق مەندەلەيەۆ وليمپياداسىنىڭ جۇلدەگەرى اتاندى، دەپ حابارلايدى اlmaty-akshamy.kz.
استانادا حيميا پانىنەن وقۋشىلاردىڭ 57ء-شى حالىقارالىق مەندەلەيەۆ وليمپياداسى اياقتالدى. قازاقستان قۇراما كومانداسى ەكى كۇمىس جانە 10 قولا مەدال جەڭىپ الدى.
كۇمىس مەدال يەگەرلەرى:
ءاليحان سمەت– استانا قالاسىنىڭ دارىندى ەر بالالارعا ارنالعان «ءبىلىم-يننوۆاسيا» ليسەيىنىڭ 11 سىنىپ وقۋشىسى؛
- ينسار يماش – Haileybury Almaty مەكتەبىنىڭ 11 سىنىپ وقۋشىسى.
قولا مەدال يەگەرلەرى:
- بەكبولات مامىربەكوۆ – شىعىس-قازاقستان وبلىستىق دارىندى بالالارعا ارنالعان «ءبىلىم-يننوۆاسيا» ليسەيىنىڭ 11 سىنىپ وقۋشىسى؛
- شاكىر جاقسىلىق – ماڭعىستاۋ وبلىستىق «ءبىلىم-يننوۆاسيا» ليسەي-ينتەرناتىنىڭ 10 سىنىپ وقۋشىسى؛
- دياس قورشىبەك - مامانداندىرىلعان «ءبىلىم-يننوۆاسيا» ليسەيىنىڭ 10 سىنىپ وقۋشىسى؛
- كيريلل كيم – استانا قالاسىنداعى فيزيكا-ماتەماتيكالىق باعىتتاعى نازاربايەۆ زياتكەرلىك مەكتەبىنىڭ 10 سىنىپ وقۋشىسى؛
- ءالىبي ءمۇعالىم - ماڭعىستاۋ وبلىستىق «ءبىلىم-يننوۆاسيا» ليسەي-ينتەرناتىنىڭ 11 سىنىپ وقۋشىسى؛
- ايبول ورازالين – الماتى قالاسىنىڭ مامانداندىرىلعان «ءبىلىم-يننوۆاسيا» ليسەيىنىڭ 11 سىنىپ وقۋشىسى؛
- ءادىلجان مولداعۇل - ماڭعىستاۋ وبلىستىق «ءبىلىم-يننوۆاسيا» ليسەي-ينتەرناتىنىڭ 10 سىنىپ وقۋشىسى؛
- ابىلاي كابدۋلحادىر - استانا قالاسىنداعى فيزيكا-ماتەماتيكالىق باعىتتاعى نازاربايەۆ زياتكەرلىك مەكتەبىنىڭ 10 سىنىپ وقۋشىسى؛
- رينات يليۋسيزوۆ – پاۆلودار قالاسىنىڭ دارىندى بالالارعا ارنالعان № 8 مەكتەپ-ليسەيىنىڭ 10 سىنىپ وقۋشىسى؛
- ءاسانالى قالي – قوستاناي وبلىستىق «ءبىلىم-يننوۆاسيا» ليسەي-ينتەرناتىنىڭ 11 سىنىپ وقۋشىسى.
سونداي-اق «تەوريالىق تۋرداعى ۇزدىك شەشىم» نوميناسياسى بويىنشا ق ر وقۋ-اعارتۋ ءمينيسترىنىڭ ارنايى سىيلىعىمەن استانالىق ءاليحان سمەت ماراپاتتالدى. وليمپيادا جەڭىمپازدارىنا ەلىمىزدىڭ بەس جەتەكشى وتاندىق جوعارى وقۋ ورىندارىنان 17 گرانت ءبولىندى.
ايتا كەتسەك، حيميا پانىنەن وقۋشىلاردىڭ 57ء-شى حالىقارالىق مەندەلەيەۆ وليمپياداسىنا 21 ەلدەن 116 وقۋشى قاتىستى.