يندۋستريا جانە ينفراقۇرىلىمدىق دامۋ مينيسترلىگىنىڭ وسىنداي بۇيرىعى جاريالاندى.
ۆەدومستۆو بيىل كوممۋنالدىق-تۇرمىستىق قاجەتتىلىكتەرگە پايدالانىلاتىن كومىر باعاسىنىڭ قىمباتتاۋىنا جول بەرمەۋ ماقساتىندا جوسپار ازىرلەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اتالعان جوسپارعا سايكەس، اعىمداعى جىلى كومىر تۇتىنۋ كولەمى شامامەن 9،6 ملن توننانا بولادى دەپ بولجانۋدا. ونىڭ ىشىندە، كوممۋنالدىق-تۇرمىستىق سەكتورعا - 2،6 ملن، ال حالىققا ساتىلاتىنى 7 ملن توننانى قۇراماق.
«بىلتىر قىركۇيەكتە اۋا رايىنىڭ كۇرت سالقىنداۋىنا بايلانىستى ەلدىڭ ورتالىق جانە سولتۇستىك ايماقتارىندا كومىرگە سۇرانىس ارتتى. وسى جاعدايدى پايدالانعان الىپساتارلار ءبىر تونناسىن 13 مىڭ تەڭگەدەن ساتىپ الىپ، ونى تۇرعىندارعا 30 مىڭ تەڭگە ساتتى. ب ا ق ارقىلى حالىقتان ىشكى نارىققا ارنالعان كومىر ەكسپورتقا شىعارىلىپ جاتىر دەگەن وتىنىشتەر ءتۇستى. تالداۋ كورسەتكەندەي، وتكەن جىلى كورشى ەلدەرگە كومىر ەكسپورتىنىڭ كولەمى ۇلعايدى. اتاپ ايتقاندا، قىرعىز رەسپۋبليكاسىنا 19 پايىزعا، وزبەكستان رەسپۋبليكاسىنا 30 پايىزعا ەكسپورت ءوستى. 2021 جىلى قىرعىز رەسپۋبليكاسىنا تەمىرجول ارقىلى 1 020 توننا (2050 ۆاگون)، اۆتوموبيلدەرمەن 123 مىڭ توننا كومىر تاسىمالدانعان. سوندىقتان حالىقتى كومىرمەن قامتاماسىز ەتۋدە كەلىسپەۋشىلىكتەر تۋىنداماس ءۇشىن يندۋستريا جانە ينفراقۇرىلىمدىق دامۋ مينيسترلىگى 2022 جىلعى 1 شىلدەدەن باستاپ 6 ايعا كومىردى اۆتوموبيلدەرمەن قازاقستان تەرريتورياسىنان اكەتۋگە تىيىم سالۋ ورىندى دەپ سانايدى»، - دەپ كورسەتىلگەن بۇيرىقتا.
قۇزىرلى ورگان دەرەگىنشە، اتالمىش باستاما سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ وتىرىسىندا قولداۋ تاپقان. بۇيرىق 10 تامىزعا دەيىن اشىق تالقىلاۋعا شىعارىلدى.