ەلدەن كوشىپ كەتۋشىلەر كوبەيگەن
كوشى-قون قىزمەتى ورگاندارىنان الىنعان ۇلتتىق ستاتيستيكا بيۋروسىنىڭ دەرەكتەرى بويىنشا وسى جىلدىڭ قاڭتار-تامىز ايلارىندا قازاقستانعا 6 339 ادام كەلسە، ەلدەن 22 685 ادام كەتتى، دەپ حابارلايدى Almaty-akshamy.kz
نەگىزگى كوشى-قون الماسۋى تمد مەملەكەتتەرىمەن جۇرەدى.
«تمد ەلدەرىنەن كەلگەندەردىڭ ۇلەسى 84،1%-دى، كوشىپ كەتكەندەردىڭ ۇلەسى جالپى كوشىپ-قونۋشىلار سانىنىڭ 86،1%-ىن قۇرادى»، دەپ جازادى ستاتيستيكا بيۋروسى.
وتكەن جىلدىڭ قاڭتار-تامىز ايلارىمەن سالىستىرعاندا، رەسپۋبليكا شەگىندە كوشىپ-قونۋشىلاردىڭ سانى 7،3%-عا ارتتى.
ءوڭىرارالىق ورىن اۋىستىرۋلار بويىنشا حالىقتىڭ كوشى-قونىنىڭ وڭ سالدوسى ەلدىڭ 4 وڭىرىندە قالىپتاستى: الماتى (20 235 ادام)، نۇر-سۇلتان (18 390 ادام)، شىمكەنت (9 276 ادام) قالالارىندا جانە ماڭعىستاۋ وبلىسىندا (346 ادام).