Almaty-akshamy.kz سايتىندا بۇگىن جاريالانعان جاڭالىقتارعا شولۋ – كۇن كەرۋەنى
قازاق بالاسىنىڭ الەمدىك وپەراسى
«قازاق موسارتى» راحات-بي ءابدىساعين شوتلانديانىڭ ەڭ اتاقتى پاتشالارىنىڭ ءبىرىنىڭ 750 جىلدىعىنا وراي وپەرا جازدى. «بريۋس» وپەراسى راحات ءبيدىڭ شوتلانديا كورولدىك كونسەرۆاتورياسىنداعى دوكتورلىق زەرتتەۋىنىڭ ءبىر بولىگى رەتىندە جازىلعان جانە دجون باربۋردىڭ (شامامەن 1375 ج.) ورتاعاسىرلىق پوەماسىنا نەگىزدەلگەن. ليبرەتتو شوتلانديانىڭ ەڭ ايگىلى پاتشالارى مەن اسكەري جەتەكشىلەرىنىڭ ءبىرى روبەرت I ءبريۋستىڭ تاريحىن باياندايدى. روبەرت ءبريۋستىڭ اسكەري جەتىستىكتەرى شوتلانديانىڭ تاۋەلسىزدىگىن ساقتاۋدا ماڭىزدى ءرول اتقاردى.
پرەمەرا بولاتىن جەر كەزدەيسوق تاڭدالعان جوق، ءدال گلازگو سوبورىندا روبەرت I بريۋس شوتلانديا كورولى رەتىندە العاش رەت تانىلدى.
«باتىستىڭ بەدەلدى كونسەرۆاتورياسىندا ءبىلىم الىپ، الەمدىك ونەرگە ءوز ۇلەسىمدى قوسۋعا مۇمكىندىك بەرگەن «بولاشاق» حالىقارالىق ستيپەندياسى مەن قازاقستان رەسپۋبليكاسىنىڭ عىلىم جانە جوعارى ءبىلىم مينيسترلىگىنە العىسىمدى بىلدىرەمىن»، – دەدى راحات-بي ءابدىساعين.
قىس قاھارىنا ءمىندى
سول سەبەپتى ەلىمىزدىڭ ءبىرقاتار وڭىرىندە مەكتەپ وقۋشىلارى ونلاين وقۋعا كوشتى. ساباقتى مەكتەپتە وقىتۋدان باس تارتقان نەگىزىنەن قىسى سۋىق سولتۇستىك پەن ورتالىق ايماق جانە شىعىس قازاقستان وبلىسى.
«اڭداماي سويلەگەن...»
تينا كاندەلاكيدىڭ كوسمەتيكالىق برەندىنە دە قازاقستاندا ەندى ورىن جوق. رەسەيلىك جۋرناليست تينا كاندەلاكيدىڭ Ansaligy برەندىنىڭ قازاقستاندىق سايتى اشىلماي تۇر. قازاقستاندا ورىس ءتىلىنىڭ قولدانىس اياسى تارىلىپ بارا جاتىر دەپ داۋ تۋدىرعان تينانىڭ Ansaligy برەندىنىڭ تاۋارلارى ەلدەگى «زولوتوە يابلوكو»، «Beautymania»، «Mon amie» سەكىلدى ءىرى كوسمەتيكالىق دۇكەن سايتتارىنان جوعالا باستادى.
جالاقىعا جارىماعان...
ماڭعىستاۋلىق ءورت سوندىرۋشىلەر جۇمىسقا شىعۋدان باس تارتتى. ولار الەۋمەتتىك جاعدايلارىنا نارازىلىق ءبىلدىرىپ، بەينەۇندەۋ جولداعان.
وزدەرىنىڭ ايتۋىنشا، ايلىق 130-150 مىڭ تەڭگە ارالىعىندا، ەڭبەك دەمالىسىنا 80 مىڭ تەڭگە تولەنەدى.
«ايلىعىمىزدى 350 مىڭ تەڭگەگە كوتەرىپ، الەۋمەتتىك پاكەتتى قوسىپ، دەنساۋلىققا زياندى ايماقتا جۇرگەندىكتەن ءسۇت جانە تاعى باسقا پايدالى ازىقپەن قامتاماسىز ەتىلسىن. جىل سايىن بەرىلەتىن مەرەكەلىك سىياقىلار 100% بەرىلسىن. ساپالى، ولشەمى دۇرىس كيىم بەرىلسىن. جۇمىسشىلاردى قۋدالاماۋدى سۇرايمىز. وسى تالاپتارىمىز ورىندالمايىنشا، جۇمىستى توقتاتىپ تۇرامىز!»، دەدى نارازى قۇتقارۋشىلار.
اياق كيىمدى تاڭبالاۋ مەرزىمى تاعى ۇزارتىلدى
بۇعان دەيىن قويمالاردا قالعان اياق كيىمدەردى تاڭبالاۋ مەرزىمى 2024 جىلدىڭ 1 اقپانىنا دەيىن ۇزارتىلعان ەدى. ەندىگى مەرزىم 2024 جىلدىڭ 1 ماۋسىمىنا دەيىن سوزىلدى. يندۋستريا جانە قۇرىلىس ءمينيسترىنىڭ 2024 جىلعى 13 اقپانداعى بۇيرىعىمەن اياق كيىم ونىمدەرىن تاڭبالاۋ جانە قاداعالاۋ قاعيدالارىنا ءتيىستى وزگەرىستەر ەنگىزىلدى. بۇيرىق 2024 جىلعى 27 اقپاندا كۇشىنە ەنەدى.
ايىپپۇل ارقالاعان «كازسينك»
ءۇلبى وزەنىن لاستاعان. تەكسەرۋ كەزىندە ەكولوگيا دەپارتامەنتى ماماندارى العان سارقىندى سۋلاردىڭ سىنامالارىندا مارگانەستىڭ 4،5 ەسە ارتىق مولشەرى انىقتالدى. سونداي-اق تازارتۋ قۇرىلىستارىن دۇرىس پايدالانباۋ سالدارىنان ءۇلبى وزەنىنە كوپتەگەن اعىندار ورىن العانى انىقتالدى، جوسپاردان تىس تەكسەرۋ قورىتىندىسى بويىنشا «قازسينك»-كە جشس-نە 50 ميلليون تەڭگە كولەمىندە اكىمشىلىك ايىپپۇل سالىندى.
قازاقستان دارىگەرلەرىن جاپونيامەن بىرىگىپ دايىنداماق
دەنساۋلىق ساقتاۋ مينيسترلىگىندە جاپونيانىڭ ناگويا ۋنيۆەرسيتەتىنىڭ پروفەسسورى ەيكو ياماموتومەن بولعان كەزدەسۋدە ەكى ەلدىڭ دەنساۋلىق ساقتاۋ سالاسىنداعى ىنتىماقتاستىق ماسەلەسى تالقىلاندى.
ق ر دەنساۋلىق ساقتاۋ ءمينيسترى اقمارال ءالنازاروۆا ناگويا ۋنيۆەرسيتەتىنىڭ پروفەسسورى ەيكو ياماموتوعا ءوز ۇسىنىسىن ايتتى. ول مينيسترلىكتىڭ جاس دارىگەرلەر مەن دەنساۋلىق ساقتاۋ مەنەدجەرلەرىن دايىنداۋ ىسىندە جاپون ماماندارىمەن ارىپتەستىكتى نىعايتۋعا دايىن ەكەنىن ايتتى.
قىركۇيەكتەن باستاپ مەكتەپ اجەتحانالارىنا جاڭا تالاپتار ەنگىزىلەدى
جالپى ءبىلىم بەرەتىن مەكتەپتەر مەن ارنايى ءبىلىم بەرۋ ۇيىمدارىن دارەتحانامەن قامتاماسىز ەتۋگە قاتىستى تارماق قوسىلدى. مۇنداي نىسانداردىڭ سانيتارلىق توراپتارىندا دارەتحانالار، قولجۋعىشتار، قول جۋۋعا جانە كەپتىرۋگە ارنالعان قۇرالدار، دارەتحانا قاعازىن ۇستاعىشتار، قوقىس جاشىكتەرى ورناتىلعانى ايتىلادى. بۇل رەتتە سانيتارلىق توراپتار دارەتحانا قاعازىمەن قامتاماسىز ەتىلگەن. مەكتەپالدى دايارلىق سىنىپتارىنا ارنالعان مەكەمەلەردە بالالار دارەتحاناسى ورناتىلعان. ستۋدەنتتەر مەن وقۋشىلارعا ارنالعان دارەتحانالار ەسىكتەرى بار كابينالاردا ورنالاسقان.
نۇرسۇلتان نازاربايەۆ قاماۋعا الىندى
ءبىراق بۇل قازاقستاننىڭ بۇرىنعى پرەزيدەنتى ەمەس، ونىڭ 23 جاستاعى اتتاسى، نۇرسۇلتان نازاربايەۆ ەسىمدى جۇرگىزۋشى. پوليسيانىڭ تەكسەرۋىنەن وتە الماعان جۇرگىزۋشى 15 كۇنگە قاماۋعا الىندى.نازاربايەۆ كولىك قۇرالىن جەتى جىل مەرزىمگە باسقارۋ قۇقىعىنان ايىرىلدى.
قازاقستاندىق عالىمدار تابيعي جەمشوپ جاساپ شىعاردى
ولاردىڭ جوباسىن ق ر عىلىم جانە جوعارى ءبىلىم مينيسترلىگىنىڭ عىلىم قورى قولداپ وتىر. س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ ۆەتەريناريا عىلىمدارىنىڭ كانديداتى، پروفەسسور م. ا. يۋريي ءبالدجيدىڭ جەتەكشىلىگىمەن اۋىل شارۋاشىلىعى جانۋارلارى مەن قۇستارعا ارنالعان بايىتىلعان ەكسترۋدتالعان قۇراما جەم جانە جەمشوپ قوسپالارى ازىرلەندى.
«NFT-KATU» ءجشس-نىڭ شىعارىلاتىن ءونىم جەلىسى بيوجولاقتار تۇرىندەگى ارالار ۆاررواتوزىمەن كۇرەسۋگە ارنالعان پرەپاراتتاردى قوسۋ، يتتەرگە ارنالعان ازىق-تۇلىك، ال بولاشاقتا مىسىقتارعا جانە بالىقتاردىڭ باعالى تۇقىمدارىنا ارنالعان ازىق-تۇلىك دايىنداۋ ارقىلى كەڭەيدى.
پاكىستان كۋرسانتتارى قازاقستاندا بولىپ قايتتى
پاكىستاندىق اسكەري قىزمەتشىلەر مۇنداي ساپارلارعا وڭىرمەن، اسكەري وقۋ ورىندارىنىڭ تىنىس-تىرشىلىگىمەن تانىسۋ جانە بايلانىس ورناتۋ ماقساتىندا ورتالىق ازيا ەلدەرى بويىنشا جىل سايىنعى تۋر شەڭبەرىندە شىعادى. شەتەلدىك دەلەگاسيانىڭ باسشىسى اسكەري كوللەدج كافەدراسىنىڭ باستىعى بريگادالىق گەنەرال ۆاسيم كۋاسير مۇنداي كەزدەسۋلەر تانىمدىق جانە پراكتيكالىق تۇرعىدان پايدالى ءارى كۋرسانتتارعا تاجىريبە مەن ءبىلىم الماسۋ مۇمكىندىگى دەپ سانايدى.
قازاقستانعا قايتارىلعان «قازاقستان»
الماتى پروكۋرورلارى «قازاقستان» شيپاجايىن مەملەكەت مەنشىگىنە قايتاردى. 2013 جىلى شيپاجاي ديرەكتورى "قازاقستان" شيپاجايدىڭ بارلىق مۇلكىن كەپىلگە قويىپ، كىرىستى جاساندى تۇردە ارتتىرىپ، عيماراتتاردى جوندەۋگە 2،6 ميلليارد تەڭگە نەسيە العان.الماتى قالاسى پروكۋراتۋراسىنىڭ اپەللياسيالىق شاعىمى بويىنشا ءبىرىنشى ساتىداعى سوتتىڭ شەشىمى وزگەرتىلىپ، بۇل سوما 1،8 ملرد تەڭگەگە دەيىن قىسقارتىلدى.
680 ميلليون جىمقىرعان...
الماتى وبلىسى ىلە اۋداندىق ءبىلىم ءبولىمىنىڭ باسشىسى سىبايلاس جەمقورلىققا قاتىسى بار دەگەن كۇدىككە ءىلىندى. سوتتىڭ سانكسياسىمەن كۇدىكتى قاماۋعا الىندى. تەرگەۋ جالعاسىپ جاتىر. قىلمىستىق ءىس جۇرگىزۋ كودەكسىنىڭ 201-بابىنا سايكەس، تەرگەۋ مۇددەسىن كوزدەيتىن وزگە اقپارات جاريالاۋعا جاتپايدى.
جاندىكتەر نەگە جارىققا ۇيمەلەيدى؟
بەلگىلى بولعانى، قاراڭعىدا جاندىكتەر جارىققا ۇمتىلمايدى ەكەن. جارىق ولاردى باعىتىنان جاڭىلدىرادى، دالىرەگى، ناۆيگاسيالىق جۇيەسىنە كەدەرگى كەلتىرەدى. گراۆيتاسياعا ارقا سۇيەي الماي قالاتىندىقتان جاندىكتەر جارىق ماڭىنان ۇزاپ كەتە المايدى. ەۆوليۋسيا بارىسىندا جاندىكتەر تابيعاتتاعى جارىق كوزى – اسپانعا جوتاسىن بەرۋدى ۇيرەنگەن. تىك قالپىندا قالۋى ءۇشىن. ال كەشكى جارىق بۇل جۇيەدەن اداستىرادى.