بيىل زاڭ بۇزعان 3200 رەسەيلىك ەلدەن شىعارىلعان.
ىشكى ىستەر مينيسترلىگى كوشى-قون قىزمەتى قازاقستانعا كەلىپ جاتقان رەسەيلىكتەر سانىنىڭ ارتۋىنا بايلانىستى تۇسىنىك بەردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
كوشى-قون قىزمەتى كوميتەتى ءتوراعاسى مىندەتىن اتقارۋشى اسلان اتالىقوۆ بۇگىندە جاعداي باقىلاۋدا ەكەنىن اتاپ ءوتتى.
«قازاقستاندا ميگرانتتاردىڭ كەلۋى مەن بولۋى كوشى-قون باقىلاۋىندا. شەتەلدىكتەردىڭ قازاقستاندا بولۋ ءتارتىبى زاڭمەن رەتتەلەدى. بىردە-بىر شەتەل ازاماتى كوشى-قون زاڭناماسىنىڭ تالاپتارىن ورىنداماي، مەملەكەتىمىزدە بولۋعا قۇقىعى جوق»، - دەدى ول.
ونىڭ ايتۋىنشا، ەاەو-عا مۇشە مەملەكەتتەردىڭ ازاماتتارى ءۇشىن قازاقستاندا بولۋدىڭ رۇقسات ەتىلگەن مەرزىمى مەملەكەتتىك شەكارادان وتكەن كۇننەن باستاپ، 90 كۇننەن كەيىن اياقتالادى.
«ميگرانتتاردى تىركەۋدى ىشكى ىستەر ورگاندارى قابىلداۋشى تاراپتاردىڭ مالىمەتتەرى مەن ق ر ۇلتتىق قاۋىپسىزدىك كوميتەتىنىڭ شەتەلدىكتەردىڭ كىرۋى مەن شىعۋىن ەسەپكە الاتىن مەملەكەتتىك شەكارا ارقىلى وتكىزۋ پۋنكتتەرىنەن ءبىرىڭعاي دەرەكقورعا ۋاقتىلى تۇسەتىن مالىمەتتەر نەگىزىندە جۇزەگە اسىرادى»، - دەدى اسلان اتالىقوۆ.
بيىل قازاقستانعا جالپى 4،3 ملن-عا جۋىق شەتەلدىك كەلىپ، 4،1 ملن-ى ەلدەن شىققان. ونىڭ ىشىندە كەلگەن رەسەيلىكتەر سانى – 1،6 ملن ادام، كەتكەندەن سانى – 1 ملن 640 مىڭ ادام.
«ولاردىڭ ەلدە ۋاقىتشا بولۋى باقىلاۋدا. ءارقايسىسىنىڭ ءتولقۇجات دەرەكتەرى مەن كىرۋ كۇندەرى مەن جالپى ولار تۋرالى تولىق اقپارات بار. كوشى-قون پروسەستەرىنە مونيتورينگ جۇرگىزىلىپ جاتىر. ىشكى ىستەر ورگاندارى كەلۋشىلەردىڭ بەلگىلەنگەن بولۋ ەرەجەلەرىنىڭ ساقتالۋىن باقىلاۋدا. شەتەلدiكتiڭ ەلدە بولۋ مەرزiمi اياقتالسا، وعان قاتىستى زاڭدا كوزدەلگەن شارالار قولدانىلادى»، - دەدى كوشى-قون قىزمەتى كوميتەتى ءتوراعاسى مىندەتىن اتقارۋشى.
باقىلاۋ بارىسىندا كوشى-قون زاڭناماسىن بۇزعان 45 مىڭ 700 ادام اكىمشىلىك جاۋاپكەرشىلىككە تارتىلىپ، ونىڭ 4200ء-ى ءماجبۇرلى تۇردە قازاقستاننان شىعارىلدى.
ونىڭ ىشىندە كوشى-قون زاڭناماسىن بۇزعان 3200 رەسەيلىك جاۋاپقا تارتىلعان. بۇل ەلگە كەلگەن رەسەي ازاماتتارىنىڭ تەك 0،2%-ى. بۇل ستاتيستيكا ولاردىڭ قازاقستاندا بولۋ شارتتارىن ساقتاۋ ءتارتىبىن كورسەتەدى. ەگەر ونى بۇزعان جاعدايدا قازاقستاننان ماجبۇرلەپ شىعارۋ 5 جىلعا ەلىمىزگە قايتا كىرۋگە تىيىم سالىنادى.
ۋاقىتشا تۇرۋعا رۇقسات شەتەلدiككە قازاقستاندا زاڭدا كوزدەلگەن ەڭبەك شارتى، وقۋ، ەمدەلۋ جانە باسقا دا جان-جاقتى نەگiزدەردە بولۋ قۇقىعى بەرىلەدى. كوشi-قون قىزمەتi ولاردىڭ تۇرعىلىقتى مەكەنجايى، تۇرعىن ءۇيدىڭ يەسى جانە وندا تۇراتىن شەتەلدىكتەر تۋرالى تولىق اقپارات بويىنشا يمميگراسيالىق باقىلاۋدى قامتاماسىز ەتەدى، - دەدى باسشى.
ول شەكارانى زاڭسىز وتۋگە، ەل اۋماعىندا تىركەۋ ءۇشىن قۇجاتتاردى رەسىمدەۋ ءتارتىبىن بۇزۋعا بايلانىستى كەز كەلگەن جاعداي قازاقستان زاڭناماسىنا سايكە رەتتەلەتىنىن اتاپ ءوتتى.
«قازاقستاننىڭ كوشى-قون قىزمەتى شتاتتىق رەجيمدە جۇمىس ىستەپ جاتىر. شەتەلدىكتەردىڭ، ۋاكىلەتتى مەملەكەتتىك جانە قۇقىق قورعاۋ ورگاندارىنىڭ زاڭدى ساقتاۋى باقىلاۋدا»، - دەدى اسلان اتالىقوۆ.